ފަރަންސޭސި ވިލާތުގެ ރިޔާސީ އިންތިޚާބުގެ ކެމްޕެއިން ވާދަވެރިކަމާއެކު ކުރިޔަށްދަނީ

ފަރަންސޭސި ވިލާތުގެ ރިޔާސީ އިންތިޚާބަށް ތައްޔާރުވުމުގެގޮތުން ވާދަވެރި ކެންޑިޑޭޓުން އެގައުމުގެ އެކި ހިސާބުތަކުގައި ފޯރިއާއެކު ކެމްޕެއިން ކުރިއަށް އެބަގެންދަވައެވެ. މި އިންތިޚާބުގެ ފުރަތަމަ ބުރު އޮންނާނީ އެޕްރިލް މަހުގެ 10 ވަނަ ދުވަހުއެވެ. އަދި މިބުރުން އެއްވެސް ވަކި ބޭފުޅަކަށް ކުރި ލިބިވަޑައިނުގެންފިނަމަ އެންމެ ކުރީގައި އުޅުއްވާ ދެބޭފުޅުންގެ މެދުގައި އެޕްރިލް 24 ވަނަ ދުވަހު އިންތިޚާބްގެ ދެވަނަ ބުރު ބޭއްވޭނެއެވެ.

ފްރާންސްގެ މިހާރުގެ ރައީސަކީ އިމެނުއަލް މެކްރޯނެވެ. މެކްރޯންގެ ރިޔާސީ ދައުރު ހަމަވާނީ 13 މޭ 2022ގެ ނިޔަލަށެވެ. ނަމަވެސް މާރޗް 3 ވަނަ ދުވަހު މެކްރޯން ވަނީ ފަސް އަހަރުގެ ދެވަނަ ދައުރަކަށް ކުރިމަތިލައްވައި، ކެމްޕެއިން ފެއްޓެވިކަން އިއުލާން ކުރައްވާފައެވެ.

ފްރާންސްގެ ރިޔާސީ އިންތިޚާބާ ވަރަށް ގާތުން، 12 ޖޫން 2022ގައި އެގައުމުގެ ލެޖިސްލޭޓިވް އިންތިޚާބްވެސް ބޭއްވޭނެއެވެ. މި އިންތިޚާބްގައި ނެޝަނަލް އެސެމްބްލީއަށް 577 މެމްބަރުން ހޮވާނެއެވެ.