ހުރިހާ ކުޅިވަރެއްގެ އެންމެ މޮޅު އެތުލީޓުންނަށް އެވޯޑު ދީފި
ކޮންމެ ކުޅިވަރަކުންވެސް އެންމެ މޮޅު އެތުލީޓަށް އެވޯޑު ދީފައިވަނީ އެކުޅިވަރަކުން ދުނިޔޭގެ ފެންވަރުގައި ފާހަގަކުރެވޭ ލެޖެންޑުން
މޯލްޑިވްސް ސްޕޯޓްސް އެވޯޑްސް 2022
ރާއްޖޭގައި ފާހަގަކުރެވޭ ހުރިހާ ކުޅިވަރެއްގެ އެންމެ މޮޅު އެތުލީޓުންނަށް އެވޯޑު ދީފިއެވެ.
ހުކުރު ދުވަހުގެ ރޭ ކުރިއަށް ގެންދިޔަ މޯލްޑިވްސް ސްޕޯޓްސް އެވޯޑްސް 2022 ގައި ރާއްޖޭގެ 18 ކުޅިވަރަކުން ފާހަގަ ކުރެވޭ އެންމެ މޮޅު ތިން ކުޅުންތެރިންނަށް ވަނީ އެވޯޑު ހަވާލުކޮށްފައެވެ.
ކޮންމެ އެސޯސިއޭޝަނަކުން އެންމެ މޮޅު އަންހެން އަދި ފިރިހެން ތިން ކުޅުންތެރިން މި ހަފްލާގައި ހޮވާފައިވެއެވެ. މި އެވޯޑަށް ކުޅުންތެރިންގެ ނަން ނޮމިނޭޓުކުރީ އެކުޅުންތެރިއަކު ނިސްބަތްވާ ކުޅިވަރު އެސޯސިއޭޝަނަކުންނެވެ.
ކޮންމެ ކުޅިވަރަކުންވެސް އެންމެ މޮޅު އެތުލީޓަށް އެވޯޑު ދީފައިވަނީ އެކުޅިވަރަކުން ދުނިޔޭގެ ފެންވަރުގައި ފާހަގަކުރެވޭ ލެޖެންޑުންނެވެ.
