ދިވެހި އަސްކަރިއްޔާ މެދުވެރިކޮށް ކުރީގެ ރައީސް ޔަމީން ހައްޔަރުކުރުމަށް ގޮވާލާ ހުށައެޅި މައްސަލަ މަޖިލީހުން ބޭރުކޮށްފި

ދިވެހި އަސްކަރިއްޔާ މެދުވެރިކޮށް ކުރީގެ ރައީސް ޔަމީން ހައްޔަރު ކުރުމަށް ގޮވާލާ ހުށައެޅި މައްސަލަ މަޖިލީހުން ބޭރުކޮށްފިއެވެ.

މިމައްސަލަ މަޖިލީހަށް ހުށައެޅުއްވީ ކާށިދޫ ދާއިރާގެ މެމްބަރު އަބްދުﷲ ޖާބިރެެވެ. މިއީ ޖާބިރު މިހަފްތާގައި ހުށަހެޅުއްވި 2 ވަނަ ކުއްލި މައްސަލައެވެ.

ކުއްލި މައްސަލަ އަށް ބަހުސް ކުރަން ފެނޭތޯ ނެގި ވޯޓުގައި 27 މެމްބަރުން ވޯޓު ދެއްވީ ބަހުސް ކުރަން ނުފެންނަ ކަމަށެވެ. އަދި ހަތަރު މެމްބަރަކު ވޯޓު ދެއްވާފައި ވަނީ ބަހުސް ކުރަން ފެންނަ ކަމަށެވެ.

މިމައްސަލާގައި ބުނެފައިވަނީ ދިވެހި ރާއްޖޭގެ ރައީސުލްޖުމްހޫރިއްޔާ ޢިބްރާހިމް މުޙައްމަދު ޞާލިހް ރާއްޖެއަށް މިގެނެސް ދެމުންދާ ތަރައްޤީއާއި ތަމަށްދުންގެ ބާރު ދުވެއްޔަކީ ދުވަހަކުވެސް ރާއްޖެއިން ފެނިފައި ނުވާ ފަދަ ލާމަސީލު މިސާލެއް ކަމަށެވެ. ނަމަވެސް ނާތަހުޒީބު ގައުމުތަކުގައި އަމަލު ކުރަމުންދާ ޑްރަގް ޑީލަރުން ފަދައިން ކުރީގެ ރައީސް ޔާމީން ކުރައްވާފައިވާ ވައްކަންތަކާއި ޖަރީމާތަށް، ފޮރުވުމަށްޓަކައި" އިންޑިއާ އައުޓް" ގެ ނަމުގައި ރާއްޖޭގައި ހިންގަމުންދާ ހަރަކާތަކީ ރައްޔިތުންގެ މެދުގައި އޮތް އެކުވެރިކަމާއި އަޚުވަންތަކަން ގެއްލުވާލާ، އަވަށްޓެރި ގައުމުތަކުން ރާއްޖެއަށް ދެމުންދާ އެހީތެރިކަމަށް ހުރަސްއެޅި ރާއްޖޭގެ ތަރައްގީއަށް ހުރަސް އެޅޭ ކަމެއްކަމަށެވެ.

އެހެންކަމުން ގާނޫނާއި ގަވާއިދުގެ ތެރެއިން ދިވެހިރާއްޖޭގެ އަސްކަރިއްޔާ މެދުވެރިކޮށް މިހިނދުން މިހިނދަށް ރައީސް ޔާމީން ހައްޔަރުކޮށް ބަންދުކުރުމަށް މި ގަރާރުގައިވެއެވެ.