ހުރިހާ އެތުލީޓުން އެއްތަނަކުން ބައްދަލުވުމަކީ ލިބޭ އުފަލެއް: ސާރާ
14 މާރިޗު 2022 | ހޯމަ 11:06ފެތުން ތެރިޔާ ސާރާ ޚޯޝްތުރޯމް އަކީ އޮލިމްޕިކް ގޯލްޑް މެޑަލިސްޓެއް
މޯލްޑިވްސް ސްޕޯޓްސް އެވޯޑްސްގައި ބައިވެރިވުމަށް ސާރާ ހޮޔޯސްޓްރޯމް
ގިނަ ދުވަސްތަކަކަށްފަހު ހުރިހާ އެތުލީޓުން އެއްތަނަކުން ބައްދަލުވުމަކީ ލިބޭ ވަރަށް ބޮޑު އުފަލެއްކަމަށް ސްވިޑްންގެ ފެތުންތެރިޔާ ސާރާ ޚޯޝްތުރޯމް ބުނެފިއެވެ.
މޯލްޑިވްސް ސްޕޯޓްސް އެވޯޑްސް ގައި ބައިވެރިވުމަށް ރާއްޖެ އައުމަށްފަހު ދިން އިންޓަރވިއުގައި ސާރާ ބުނީ ކޮވިޑުގެ ސަބަބުން އެތުލީޓުން އެއްތަންވެ ބޮޑު ހަފްލާއެއް ނުބެއްވޭތާ ވަރަށް ގިނަ ދުވަސްވެފައިވާ ކަމަށެވެ. ނަމަވެސް މި ހަފްލާއާއެކު ރާއްޖެ އަދި ދުނިޔޭގެ ފެންވަރުގައި ފާހަގަކުރެވޭ އެތުލީޓުން އެއްތަނަކުން ބައްދަލުވެ ކުޅިވަރުގެ ކާމިޔާބީތައް ފާހަގަކުރުމަކީ ލިބޭ ވަރަށް ބޮޑު އުފަލެއް ކަމަށެވެ.
އޮލިމްޕިކް ގޯލްޑް މެޑަލިސްޓް ސާރާގެ ހަޔާތުގައި ފުރަތަމަ ފަހަރަށް ރާއްޖެއަށް އައި އިރު އޭނާއަށް ރާއްޖެއިން ކީ މަރްހަބާ ފާހަގަކޮށް ސާރާ ބުނީ ރާއްޖެ އާދެވުމުން ވަރަށް އުފާވާ ކަމަށެވެ. މީގެ ކުރިންވެސް ރާއްޖޭގެ ވާހަކަ އަޑުއަހާފައިވާ ކަމަށާއި، ރާއްޖޭގެ ފޮޓޯތައްފެނި ރާއްޖެއަށް އައުމަކީ އޭނާ ދެކެމުންއައި ހުވަފެނެއްކަމަށް ސާރާ ބުންޏެވެ.
މިއަހަރުގެ ސްޕޯޓްސް އެވޯޑްސްގައި ސާރާ ބައިވެރިވުމާއެކު މިއީ ރާއްޖޭގެ ޒުވާން ފެތުންތެރިންނަށް ލިބޭނެ އިތުރު ހިތްވަރަކަށް ވާނެކަމަށް ސާރާ އުންމީދުކުރެއެވެ.
