ޕީއެސްޖީ ބަލިވިއިރު، ރެފްރީންނާއި މެދު ނުރުހުން
މެޗަށް ފަހު އޮތް ނޫސްވެރިންގެ ބައްދަލުވުމުގައި ޕީއެސްޖީގެ ކޯޗު މައުރީސިއޯ ޕޮޗެޓީނޯވެސް ވަނީ ނުރުހުން ފާޅުކޮށްފައި
ޕީއެސްޖީގެ ރައީސް ނާސިރު އެލް-ހެއްލާފީ
ޔުއެފާ ޗެމްޕިއަންސް ލީގުގައި ރެއާލް މެޑްރިޑާއި ވާދަކުރި ގަދަ 16 ގެ ދެވަނަ މެޗުން ބަލިވުމާއެކު އެޓީމުގެ ނުރުހުން ރެފްރީންނަށް އަމާޒުވެއްޖެއެވެ.
ރޭގެ މެޗުން ޕީއެސްޖީ ބަލިވީ 3-1 ގެ ނަތީޖާ އަކުންނެވެ. ފުރަތަމަ ލެގުގައި 1-0 ގެ ނަތީޖާއަކުން ޕީއެސްޖީ ކުރިހޯދާފައިވިޔަސް އެޓީމަށް މުބާރާތް ގެއްލުނީ އެގްރިގޭޓުގެ ގޮތުން ރެއާލް ކުރިހޯދުމުންނެވެ.
މި މެޗު ނިމުމާއެކު ޕީއެސްޖީގެ ރައީސް ނާސިރު އަލް-ހެއްލާފީ ވަނީ ރެފްރީންނާއިމެދު ނުރުހުން ފާޅުކޮށްފައެވެ. އަދި ރެފްރީންގެ ކޮޓަރިއަށް ހެއްލާފީ ވަންނަން މަސައްކަތް ކުރިއިރު އޭނާއަށް ހުރަސް އެޅުމުން، އޭނާ އެސިސްޓަންޓް ރެފްރީ ބޭނުންކުރާ ތަކެތީގައި އަތުން ޖަހައި، ގެއްލުން ދީފައިވާ ކަމަށް ރެފްރީންގެ ރިޕޯޓުގައި ފާހަގަކޮށްފައިވެއެވެ.
އޭނާގެ ނުރުހުން ރެފްރީންނަށް އަމާޒުކުރީ މެޗުގައި ރެއާލްއިން ޖެހި ފުރަތަމަ ލަނޑު ޖަހާފައިވަނީ އެޓީމުގެ ކީޕަރު ޑޮނަރޫމާއަށް ބެންޒެމާ ފައުލްކޮށްފައި ކަމަށް ބުނެއެވެ. މެޗަށް ފަހު އޮތް ނޫސްވެރިންގެ ބައްދަލުވުމުގައި ޕީއެސްޖީގެ ކޯޗު މައުރީސިއޯ ޕޮޗެޓީނޯވެސް ވަނީ އެކަން ފާހަގަކޮށް ރެފްރީންނާއިމެދު ނުރުހުން ފާޅުކޮށްފައިވެiއެވެ.
މި މެޗުގައި ރެއާލް އިން މޮޅުވީ ފުރަތަމަ ހާފުގައި ޕީއެސްޖީން ލަނޑެއް ޖަހާފައިވަނިކޮށް ފަހަތުން އަރާ ތިން ލަނޑު ޖަހައިގެންނެވެ. މެޗުގެ ދެވަނަ ހާފުގައި 17 މިނެޓުތެރޭ ހެޓްރިކެއް ހަދައިގެން ރެއާލް މޮޅުކޮށްދިނީ އެޓީމުގެ ކެޕްޓަން ކަރިމް ބެންޒެމާއެވެ
