ގެއްލިގެން ހޯދަމުންދިޔަ ޒުވާނާ ފެނިއްޖެ
27 ފެބުރުއަރީ 2022 | އާދީއްތަ 06:55ވިއާމް ގެއްލިގެން ހޯދަން ފަށާފައިވަނީ މިމަހުގެ 19 ވަނަ ދުވަހު
އާއިޝަތު ޝިއުރާ | 27 ފެބުރުއަރީ 2022 | އާދީއްތަ 06:55
ޅ. ނައިފަރު/ ޑޭޒީހިޔާ، އަޙްމަދު ވިއާމް (23އ)
ގެއްލިގެން ހޯދަމުންދިޔަ ޅ. ނައިފަރު / ޑޭޒީހިޔާ، އަޙްމަދު ވިއާމް ފެނިފައިވާކަމުގެ މައުލޫމާތު ލިބިފައިވާކަމަށް ފުލުހުން ބުނެފިއެވެ.
އުމުރުން 23 އަހަރުގެ ވިއާމް ގެއްލިގެން ހޯދަން ފަށާފައިވަނީ މިމަހުގެ 19 ވަނަ ދުވަހުއެވެ. އޭގެ 4 ދުވަސްފަހުން ފެބްރުއަރީ މަހުގެ 23 ވަނަ ދުވަހު ފުލުހުން ވަނީ އޭނާ ހޯދުމަށް އާންމުންގެ އެހީތެރިކަމަށް އެދެފައެވެ.
ފުލުހުން ބުނީ އޭނާގެ ހާލު ރަނގަޅު ކަމަށެވެ. އޭނާ ގެއްލުނީ ކީއްވެކަމެއް ފެނުނީ ކިހިނެއްކަމަށް ފުލުހުން ބުނެފައެއް ނުވެއެވެ.
