ޅ. ކުނަހަންދޫގައި ކުރިޔަށްދާ ރަމަޟާން ކްރިކެޓް ކާނިވަލުގައި ސޮނީހާޑްވެއާގެ މައްޗަށް ބައިސަން ކުރިހޯދައިފި އެވެ.

މި މެޗުގެ ޓޮސް ދިމާވެގެން ކުޅެން އެރީ ސޮނީ ހާޑްވެއާއިންނެވެ. އެގޮތުން ސޮނީ ހާޑްވެއާ އިން ވަނީ ކުޅެން އަރާ ހުރިހާ ކުޅުންތެރިން ނުބައިވެގެން 11 އޯވަރު ތެރޭގައި 87 ލަނޑު ހަދާފައެވެ. މެޗުގައި ސޮނީ ހާޑްވެއާ ޓީމުން އެންމެ ރަނގަޅަށް ކުޅުނީ 29 ލަނޑު ހެދި އަލީ ރީހާން އެވެ.

ޖަވާބުގައި ބައިސަން ޓީމުން ކުޅެން އަރާ 10 އޯވަރު ތެރޭގައި 90 ލަނޑު ހަދާ މެޗު ކާމިޔާބުކޮށްފައިވާއިރު، އެޓީމުން އެންމެ ރަނގަޅަށް ކުޅެފައިވަނީ 41 ލަނޑު ހެދި ކެޕްޓަން އަޒީމް އެވެ.

މެޗުގެ މޮޅު ކުޅުންތެރިޔަކަށް ހޮވުނީ ސޮނީހާޑްވެއާ ޓީމުގެ ކެޕްޓަން އަލީ ރީހާން އެވެ. އޭނާ ވަނީ މެޗުގައި 29 ލަނޑު ހަދާފައެވެ.

މުބާރާތުގައި ދެން މެޗެއް ކުޅޭނީ އަންނަ އަންގާރަ ދުވަހު އެވެ.