ހ. ނޫއަލި ގޭގައި އަލިފާނުގެ ހާދިސާއެއް ހިނގައިފި
ރޯވި އަލިފާންގަޑު މިހާރު ވަނީ ނިއްވާލާފައި
އަލިފާންގަނޑު ނިއްވުމުގައި އެމްއެންޑީއެފްގެ ޓީމުން ހަރަކާތްތެެރިވަނީ
ހ.ނޫއަލިގޭގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފުން ބުނީ ހ. ނޫއަލިގޭގައި އަލިފާނުގެ ހާދިސާއެއް ހިނގައިގެން އުޅޭ ކަމުގެ މައުލޫމާތު އެފްއާރުއެސް ފަޔަރ ކޮންޓްރޯލް ރޫމަށް ލިބިފައިވަނީ ބުދަ ދުވަހުގެ ހެނދުނު 08:55 ހާއިރު ކަަމަށެވެ. ހާދިސާގެ މައުލޫމާތު ލިބުމާއެކު އެފްއާރުއެސްގެ ފަޔަރފައިޓަރުން އެ ސަރަހައްދަށް ގޮސް އަލިފާން ނިއްވުމުގައި ހަރަކާތްތެރިވެފައިވާ ކަމަށް ވެސް އެމްއެންޑީއެފުން ބުންޏެވެ.
އެގޮތުން ކުރެވުނު މަސައްކަތުން ރޯވެފައި ހުރި އަލިފާން އެއްކޮށް ނިއްވާލެވުނީ 09:25 ހާއިރު ކަމަށާއި އެމްއެންޑީއެފުން ބުނީ މި ހާދިސާގައި 10 މީހުންނަށް ދުމުގެ އަސަރުކޮށްގެން ސެނަހިޔާ މިލިޓަރީ ހޮސްޕިޓަލަށް ފަރުވާ ހޯދުމަށް ފޮނުވާފައިވާ ކަމަށެވެ.
މި ހާދިސާގައި ގެއަށް ލިބުނު ގެއްލުމުގެ ތަފްސީލެއް އަދި ހާމަކޮށްފައެއް ނުވެއެވެ.
