ހިމަންދޫގައި، އަލަށް އުފަންވާ ކުދިންނަށް ހަދިޔާ ޕެކޭޖް ދެނީ
ހަދިޔާ ޕެކޭޖް ލިބޭނީ، އުފަންވާތާ 360 ދުވަހުގެ ތެރޭގައި ހިމަންދޫ ރައްވެއްސެއްގެ ގޮތުގައި ރަޖިސްޓްރީކުރާ ކުދިންނަށް
އއ. ހިމަންދޫ
އއ. ހިމަންދޫގައި, އަންނަ މާރޗް 1ން ފެށިގެން އުފަންވާ, އަދި އެރަށުގައި ރަޖިސްޓްރީވާ ކޮންމެ ކުއްޖަކަށް ހަދިޔާ ޕެކޭޖެއް ދިނުމަށް ކައުންސިލުން ނިންމައިފިއެވެ.
ހިމަންދޫ ކައުންސިލުން މައުލޫމާތު ދިން ގޮތުގައި މި ނިންމުން ނިންމާފައިވަނީ ހިމަންދޫ ކައުންސިލްގެ 4 ވަނަ ދައުރުގެ 2022 ވަނައަހަރުގެ 9 ވަނަ އާންމު ޖަލްސާގައެވެ.
ހިމަންދޫ ރައްވެއްސެއްގެ ގޮތުގައި ރަޖިސްޓްރީކުރާ ކުދިންނަށް ހަދިޔާ ޕެކޭޖް ދިނުމާގުޅޭ އުސޫލުގައި ވާގޮތުން, ހަދިޔާ ޕެކޭޖް ހޯދުމަށް އެދޭ ކުއްޖާއަކީ 1 މާރޗް 2022ގެ ފަހުން އުފަންވެފައިވާ ކުއްޖެއް ކަމުގައިވާން ޖެހެއެވެ. އަދި ކުއްޖާ އުފަންވި ތާރީހުން ފެށިގެން 360 ދުވަހުގެ ތެރޭގައި ހިމަންދޫގެ ރައްވެއްސެއްގެ ގޮތުގައި ރަޖިސްޓްރީކުރުމަށް އެދި ކައުންސިލްގެ އިދާރާއަށް ފޯމް ހުށަހަޅާފައިވާ ކުއްޖަކުކަމުގައި ވުމާއި, ރައްވެހިންގެ ހަދިޔާ ޕެކޭޖަށް އެދޭ ފޯމް ފުރިހަމަކޮށް, ކުއްޖާ އުފަންވާ ތާރީޚުން ފެށިގެން 360 ދުވަސްތެރޭގައި ކައުންސިލްގެ އިދާރާއަށް ހުށަހަޅާފައިވުން ހިމެނެއެވެ.
