ރާއްޖެ
ތިނަދޫގައި މާރާމާރީ ހިންގުން
ތިނަދޫގައި މާރާމާރީ އެއް ހިންގާ މީހަކު ޒަޚަމްކޮށްލައިފި
މާރާމާރީ ގައި ދިވެހި ފިރިހެނަކަށް އަނިޔާވެގެން ހޮސްޕިޓަލަށް ގެންގޮސްފައިވޭ
އާއިޝަތު ޝިއުރާ, ރާއްޖެ އެމްވީ | 18 ފެބުރުއަރީ 2022 | ހުކުރު 21:25
ގދ. ތިނަދޫ
ގދ ތިނަދޫ ގައި މާރާމާރީ އެއް ހިންގާ މީހަކު ޒަޚަމްކޮށްލައިފިއެވެ.
ފުލުހުން ބުނީ ހުކުރު ދުވަހުގެ ރޭ 9:25 ހާއިރު މާރާމާރީ އެއް ހިނގާފައިވާކަމުގެ މައުލޫމާތު ފުލުހުންނަށް ލިބިފައިވާކަމަށެވެ. މާރާމާރީ ގައި ދިވެހި ފިރިހެނަކަށް އަނިޔާވެގެން ހޮސްޕިޓަލަށް ގެންގޮސްފައިވާކަމަށް ފުލުހުން ބުނެއެވެ.
މައްސަލައާ ގުޅިގެން މިހާތަނަށް މީހަކު ހައްޔަރުކޮށްފައިނުވާކަމަށް ފުލުހުން ބުނެއެވެ.
މިމައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.
ހުކުރު ދުވަހުގެ ރޭ ހުޅުމާލޭގައި ވެސް ވަނީ މާރާމާރީއެއް ހިންގާފައެވެ. އެމާރާމާރީ ހިނގާފައިވަނީ ބިދޭސީންގެ މެދުގައެވެ.
