ފައުންޑޭޝަން އޮފް އޭދަފުށީ ޔޫތު ލިންކޭޖް (ފޭލި ޖަމިއްޔާ) އިން އިސްނަގައިގެން ނިޔަމިކަމުގެ ސަނަދު ލެވެލް 2، މިކޯހާއި ފަޅުވެރިކަމުގެ ސެޓްފިކެޓް ކޯހެއް ބ.އޭދަފުށީގައި ފެށުމަށް ހަމަޖެހިއްޖެއެވެ.

ފޭލި ޖަމިއްޔާއިން މައުލޫމާތުދިން ގޮތުގައި މި 2 ކޯސް ކުރިއަށް ގެންދާނީ އޭދަފުށީ ކައުންސިލާއި ސެންޓަރ ފޯ މެރިޓައިމް ސްޓަޑީޒްއާ ގުޅިގެންނެވެ. އެގޮތުން މި ކޯސްތައް ހިންގުމަށް ނިންމާފައިވަނީ ކަނޑުދަތުރުފަތުރުގެ ސަލާމަތާއިބެހޭ ޤަވާޢިދުގެ ދަށުން 2022 ވަނަ އަހަރުގެ އޭޕްރީލް މަހުން ފެށިގެން، ކެޕްޓަނުންނަށް ކަނޑުމަތީގައި އުޅެވޭނީ ނިޔަމި ކަމުގެ ސެޓްފިކެޓް އަދި ފަޅުވެރިއެއްގެ އަތުގައި ފަޅުވެރިންގެ ސެޓްފިކެޓް އޮތުން ލާޒިމް ކުރާތި އެވެ

އޭދަފުށީގައި މި ކޯސްތައް ފެށުމަށް ހަަމަޖެހިފައިވަނީ ފެބްރުއަރީ 27ވާ އާދިއްތަދުވަހު ކަމަށް ފޭލި ޖަމިއްޔާއިން މައުލޫމާތުދެއެވެ. މިގޮތުން މި ކޯސްތަކުގެ ތެރެއިން ނިއަމިކަމުގެ ސަނަދު ލެވެލް 2، ކޯހަކީ 30 ގަޑިއިރުގެ ކޯހަކަށްވާއިރު މި ކޯހުގައި ފީއެއްގެ ގޮތުގައި ކޮންމެ ބައިވެރިއެއްގެ އަތުން -/1300ރުފިޔާ ނެގުމަށް ހަމަޖެހިފައިވެއެވެ. އަދި ފަޅުވެރިކަމުގެ ސެޓްފިކެޓް ކޯހަކީ 12 ގަޑިއިރުގެ ކޯހަކަށް ވާއިރު މި ކޯހުގެ ފީއެއްގެ ގޮތުގައި -/500ރުފިޔާ ނެގުމަށް ވަނީ ހަމަޖެހިފައެވެ.

ފޭލި ޖަމިއްޔާއިން ވަނީ ނިޔަމިކަމުގެ ސަނަދު 2 ކޯހާއި ފަޅުވެރިކަމުގެ ސެޓްފިކެޓް ކޯހުގައި ބައިވެރިވުމުގެ ފުރުސަތު ހުޅުވާލާފައިއެވެ. އެގޮތުން މި ކޯސްތަކުގައި ބައިވެރިވާން ބޭނުންވާ ފަރާތްތަކުން ފެބްރުއަރީ 20ވާ އާދިއްތަދުވަހުގެ މެންދުރު 12:00ގެ ކުރީން 7888567 ނުވަތަ 9114030 ނަމްބަރަށް ގުޅައި ނަންނޯޓް ކުރުމަށް އެދިފައިއެވެ. މިދެ ކޯހުގެ ތެރެއިން ކޮންމެ ކޯހަކަށްވެސް ކަނޑައެޅިފައިވަނީ 30 ޖާގައެވެ.