ބޮޑެތި އުޅަނދުތަކަށް ޚާއްސަ 5 ބަނދަރެއްގެ މަސައްކަތް ކުރިއަށްދޭ: އާޒިމް

ބޮޑެތި އުޅަނދުތައް ކައިރިކުރެވޭ ވަރުގެ ބޮޑު 5 ބަނދަރެއް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ތަރައްޤީ ކުރަމުންދާކަމަށް އެ ކުންފުނީގެ ސީއީއޯ އާދަމް އާޒިމް ވިދާޅުވެއްޖެއެވެ.

އެމްޓީސީސީން ކުރިއަށްގެންދާ މަޝްރޫއުތަކާ ގުޅޭގޮތުން ރާއްޖެޓީވީގެ ފަލަސުރުޚީ ޕްރޮގްރާމުގައި ވާހަކަދައްކަވަމުން އާޒިމް ވިދާޅުވީ އައްޑޫ، ފެލިވަރު، ތިނަދޫ، ކުޅުދުއްފުށި އަދި މުލަކުގައި ބޮޑެތި ބޯޓުފަހަރުތަކަށް ކައިރިކުރެވޭ ވަރުގެ ބޮޑެތި ބަނދަރުތައް ތަރައްގީކުރުމަށް އެމްޓީސީސީއާ ހަވާލުކޮށްފައިވާކަމަށެވެ. މީގެ ތެރޭގައި 3 ޕޯޓު ހިމެނޭކަމަށް އާޒިމް ވިދާޅުވިއެވެ.

މިގޮތުން އާގުބޯޓު ކައިރިކުރެވޭވަރުގެ ޕޯޓުތަކުގެ ގޮތުގައި ތަރައްގީކުރަމުންދަނީ އައްޑޫ ހިތަދޫ ރީޖަނަލް ޕޯޓާއި، ތިނަދޫ ޕޯޓާއި. ކުޅުދުއްފުށީ ޕޯޓެވެ. އާޒިމް ވިދާޅުވީ ޕޯޓުތަކުގެ މަސައްކަތުގެ ތެރެއިން މިހާރު ކުރިއަށްދަނީ އެންވަޔަރަންމެންޓަލް އިމްޕެކްޓް އެސެސްމެންޓް (އީއައިއޭ)ގެ މަސައްކަތް ކަމަށް އާޒިމް ވިދާޅުވިއެވެ. ފެލިވަރާއި މުލަކުގައި ތަރައްގީކުރާ ބަނދަރުތަކަކީ މަސްދޯނިފަހަރަށް ކައިރިކުރެވޭވަރަށް ތަރައްގީކުރާ ބަނދަރުތަކެކެވެ.

އާޒިމް ވިދާޅުވީ ބޮޑެތި ބޮޑެތި ބަނދަރުތައް ތަރައްގީކުރުމަށް ބޭނުންވާ ސާމާނު ގެނައުމުގެ މަސައްކަތް މިހާރު ކުރިއަށްދާކަމަށެވެ. އަދި އެހެން ފަރާތްތަކާ ގުޅިގެން ހަދަމުންދާ އިންސްޕެކްޝަންތައްވެސް ކުރިއަށްދާކަމަށް އާޒިމް ވިދާޅުވިއެވެ. މިކަންކަމަށް ބޭނުންވާ ބަޖެޓު ހަމަޖެހިގެން ކުރިއަށްއޮތް 3 މަސް ތެރޭގައި މި މަސައްކަތަށް ބޭނުންވާ ސާމާނު ލިބޭނެ ކަމަށްވެސް އޭނާ ވިދާޅުވިއެވެ.

ޕޯޓުތައް ތަރައްގީކުރުމުގެ މަސައްކަތުގެ ތެރެއިން އެމްޓީސީސީން ކުރަމުންދަނީ ކުޅުދުއްފުށި ރީޖަނަލް ޕޯޓުގެ ރި-ޑިވެލޮޕްމަންޓް މަސައްޖަތްތަކެވެ. މިގޮތުން ފަޅު ފުންކުރުމާއި އައު މަގަތު ފާލަމެއް ހެދުމުގެ އިތުރުން ރިވެޓްމަންޓް ޖެހުމާއި ނެރުބައްތި ޖެހުން ހިމެނެއެވެ. މީގެއިތުރުން، އޮފީސް އިމާރާތެއް އެޅުމާއި ވޯރކްޝޮޕް އިމާރާތެއް އެޅުމާއި އެންވަރަންމެންޓަލް އިމްޕެކްޓް އެސަސްމެންޓެއް ހެދުން ހިމެނޭކަމަށް އެމްޕީއެލުން ބުންޏެވެ.

އަދި ތިނަދޫ ރީޖަނަލް ޕޯޓު ތަރައްގީ ކުރުމުގެ މަޝްރޫއުގެ ދެވަނަ ފިޔަވަހީގެ ދަށުން ޕޯޓް އޮފީން އިމާރާތެއް އެޅުމާއި، ގާޑް ހައުސް އިމާރާތަކާއި ވެއަރ ހައުސް އަދި ވޯރކްޝޮޕް އިމާރާތެއްގެ އިތުރުން ނެރުބައްތި ހަރުކުރުމާއި ފެންޑަރ ހަރުކުރުން ހިމެނެއެވެ. އަދި އައްޑޫ ޕޯޓުވެސް އިތުރަށް ތަރައްގީކުރުން ހިމެނެއެވެ.

މި ޕޯޓުތައް ތަރައްގީކުރެވުމާއެކު ބޭރުން އަންނަ އާގުބޯޓުތަކަށް ޚިދުމަތްދެވި ރާއްޖެ ވަންނަ އާމްދަނީ އިތުރުވުމަށް މަގުފަހިވެގެންދާނެއެވެ.