ތެއްތިރީސް ވަނަ ޕޮލިސް އިނީޝިއަލް ޓްރެއިނިންގ ކޯހުގެ ޕާސިންގ އައުޓް ޕެރޭޑް ބާއްވައިފި
11 ފެބުރުއަރީ 2022 | ހުކުރު 18:2733 ވަނަ ޕޮލިސް އިނީޝިއަލް ޓްރެއިނިންގ ކޯސް 58 ބައިވެރިން ފުރިހަމަކުރި
ޕޮލިސް އިނީޝިއަލް ޓްރެއިނިންގ ކޯހުގެ ބައިވެރިން
ޕޮލިސް އެކަޑަމީން ހިންގި 33 ވަނަ ޕޮލިސް އިނީޝިއަލް ޓްރެއިނިންގ ކޯހުގެ ޕާސިންގ އައުޓް ޕެރޭޑް ބާއްވައިފިއެވެ.
ޕޮލިސް ޓްރެއިނިންގ ސްކޫލް، ދ. ވާނީގައި ބުރާސްފަތި ދުވަހުގެ ރޭ ބޭއްވި ރަސްމިއްޔާތު ޝަރަފުވެރިކޮށްދެއްވީ މިނިސްޓަރ އޮފް ޖެންޑަރ ފެމިލީ އެންޑް ސޯޝަލް ސަރވިސަސް އާއިޝަތު މުޙައްމަދު ދިދީއެވެ. އެ ރަސްމިއްޔާތުގައި މިނިސްޓަރ އޮފް ހޯމްއެފެއާޒް އިމްރާން ޢަބްދުﷲ އާއި، ކޮމިޝަނަރ އޮފް ޕޮލިސް މުޙައްމަދު ޙަމީދު އާއި، ޕީޕަލްސް ޑައިރެކްޓްރޭޓް ހެޑް، އެސިސްޓެންޓް ކޮމިޝަނަރ އޮފް ޕޮލިސް އިސްމާއީލް ނަވީން އާއި، ފުލުހުންގެ އެކްޒެކެޓިވް އޮފިސަރުންނާއި، ފުލުހުންގެ ކޮމިޝަންޑް އޮފިސަރުންނާއި، ކޯހުގެ މުދައްރިބުން ބައިވެރިވެވަޑައިގެންނެވިއެވެ.
ރަސްމިއްޔާތުގައި، ކޯހުން އެކި ވަނަތަކަށް ހޮވުނު ބައިވެރިންނަށް އިނާމު ދެއްވީ ޝަރަފުވެރި މެހުމާން މިނިސްޓަރ އޮފް ޖެންޑަރ ފެމިލީ އެންޑް ސޯޝަލް ސަރވިސަސް އާއިޝަތު މުޙައްމަދު ދިދީއާއި މިނިސްޓަރ އޮފް ހޯމްއެފެއާޒް އިމްރާން ޢަބްދުﷲ އާއި ކޮމިޝަނަރ އޮފް ޕޮލިސް މުޙައްމަދު ޙަމީދެވެ.
ޕޮލިސް އިނީޝިއަލް ޓްރެއިނިންގ ކޯހުން ހުރިހާ ގޮތަކުން އެންމެ މޮޅު ދަރިވަރަކަށް ހޮވުނީ ޕޮލިސް ރެކްރޫޓް މުޙައްމަދު އިރުޝާދުއެވެ. އޭނާޔަށް، ކޮމިޝަނަރ އޮފް ޕޮލިސް އެކްސެލެންސް އެވޯޑު ހަވާލުކޮށްފައިވެއެވެ. އެވޯޑް ހަވާލުކޮށްދެއްވީ ކޮމިޝަނަރ އޮފް ޕޮލިސް މުޙައްމަދު ޙަމީދުއެވެ.
ކޯހުގެ އިންޑޯ މާއްދާތަކުން އެއް ވަނަ ދަރިވަރަކަށް ހޮވުނީ ޕޮލިސް ރެކްރޫޓް މުޙައްމަދު އިރުޝާދުއެވެ. އައުޓްޑޯ މާއްދާތަކުން އެއް ވަނަ ދަރިވަރަކަށް ހޮވުނީ ޕޮލިސް ރެކްރޫޓް ހަސަން ޝާނީޒްއެވެ.
ސްކޮޑްތަކުގެ ވަނަތަކަށް ބަލާއިރު، އައިނައްލަ ސްކޮޑުން އެންމެ މޮޅު ދަރިވަރަކަށް ޕޮލިސް ރެކްރޫޓް މުޙައްމަދު އިރުޝާދު ހޮވިފައިވާއިރު ބީފާން ސްކޮޑުން އެންމެ މޮޅު ދަރިވަރަކަށް ހޮވިފައިވަނީ ޕޮލިސް ރެކްރޫޓް ހަސަން އިބާދުﷲ އެވެ. ހާޖީ ސްކޮޑުން އެންމެ މޮޅު ދަރިވަރަކަށް ހޮވިފައިވަނީ ޕޮލިސް ރެކްރޫޓް އިބްރާހީމް ފަޒީލްއެވެ. އެންމެ މޮޅު ސްކޮޑަކަށް ހޮވިފައިވަނީ އައިނައްލަ ސްކޮޑެވެ.
ޕޮލިސް އިނީޝިއަލް ތްރއިނިންގް ކޯހަކީ ފުލުހުންގެ ޚިދުމަތާ ގުޅުމަށްފަހު ފުރިހަމަ ކުރަންޖެހޭ ފުރަތަމަ ތަމްރީން އަށް ވާއިރު، ކޯހުގެ 33 ވަނަ ބުރު، 58 ބައިވެރިން ފުރިހަމަކޮށް ދަސްވެނިވެފައިވެއެވެ. ރަސްމިއްޔާތު ނިންމާލާފައިވަނީ ކޯހުގެ ދަރިވަރުންގެ ރޫޓް މާޗަކުންނެވެ.
