ދިގުރަށުގައި މިސްކިތެއް ޢިމާރާތްކުރުމަށް ބަޔަކާއި ހަވާލުކޮށްފި
10 ފެބުރުއަރީ 2022 | ބުރާސްފަތި 04:18މިމަސައްކަތް އަލާފް ޕްރައިވެޓް ލިމިޓެޑާއި ހަވާލުކޮށްފައިވަނީ 7.3 މިލިއަން ރުފިޔާއަށް، 1 އަހަރު ދުވަހުން ނިންމާ ގޮތަށް
ދިގުރަށުގައި މިސްކިތެއް އަޅަން ހަވާލުކުރުން
އދ. ދިގުރަށުގައި 300 މީހުންގެ ޖާގައިގެ މިސްކިތެއް ޢިމާރާތްކުރުމުގެ މަސައްކަތް ބަޔަކާއި ހަވާލުކޮށް، އެއްބަސްވުމުގައި ސޮއިކޮށްފިއެވެ.
ދިގުރަށުގައި މިސްކިތެއް ޢިމާރާތްކުރުމުގެ އެއްބަސްވުމުގައި އަލާފް ޕްރައިވެޓް ލިމިޓެޑާއެކު މިނިސްޓްރީ އޮފް އިސްލާމިކް އެފެއާޒްއިން ސޮއިކޮށްފައިވަނީ މިމަހުގެ 6 ވަނަ ދުވަހުއެވެ. މިމަސައްކަތް އަލާފް ޕްރައިވެޓް ލިމިޓެޑާއި ހަވާލުކޮށްފައިވަނީ 7.3 މިލިއަން ރުފިޔާއަށެވެ. އަދި މިމަސައްކަތް އެކުންފުންޏާއި ހަވާލުކޮށްފައިވަނީ 365 ދުވަސް ތެރޭގައި މަސައްކަތް ނިންމާގޮތަށް ކަމަށް އިސްލާމިކް މިނިސްޓްރީން ވިދާޅުވިއެވެ.
އާބާދީގައި 600 އަށް ވުރެ ގިނަ މީހުން ދިރިއުޅޭ ދިގުރަށުގައި މިއަހަރު ޖުމްލަ 10 މަޝްރޫއެއް ކުރިއަށް ގެންދާގޮތަށް ވަނީ ތާވަލް ކޮށްފައެވެ،
