ވެރިކަން ބަދަލުވި އިރު ނިމިފައި ހުރި ދިގު ރަށުގެ ފެންޕްލާންޓު ރައީސް މުއިއްޒު ރިބަން ނުކަނޑާތީ ގޭގެއަށް ހިދުމަތް ނުދެވިފައި
ފެނުގެ ޚިދުމަތް ދޭން ހަދާފައިވާ ތަނުގެ މަސައްކަތް ވަނީ އެއްކޮށް ނިމިފައި
ދިގުރަށު ފެނުގެ ހިދުމަތް ދިނުމަށް ހަދާފައިވާ ތާންގީތައް
ވެރިކަން ބަދަލުވިއިރު ނިމިފައި ހުރި އދ. ދިގު ރަށުގެ ފެނުގެ ހިދުމަތް ގޭގެއަށް ނުގުޅާ މަސައްކަތް ހުއްޓިފައި އޮންނަތާ މި ސަރުކާރަށް ވީހާ ދުވަސް ވެއްޖެ ކަމަށް އެ ރަށު ކައުންސިލްގެ ރައީސް އިބްރާހިމް އުސްމާން ވިދާޅުވެއްޖެ އެވެ.
ރާއްޖެޓީވީގެ ހާލު ކިހިނެއް ޕްރޮގްރާމުގައި ވާހަކަ ދައްކަވަމުން ދިގުރަށު ކައުންސިލްގެ ރައީސް އިބްރާހިމް އުސްމާން ވިދާޅުވީ ފެނުގެ ހިދުމަތް ދޭން ހަދާފައިވާ ތަނުގެ މަސައްކަތް އެއްކޮށް ނިމިފައިވާ ކަމަށެވެ. ނަމަވެސް ގޭގެއަށް ގުޅައި ނުދޭ ކަމަށާއި، މި މަސައްކަތަކީ ކުރީ ސަރުކާރުގައި ފެށި މަސައްކަތެއް ކަމަށާއި، ވެރިކަން ބަދަލުވި އިރު މަސައްކަތް ހުރީ ނިމިފައި ކަމަށެވެ.
ހައުސް ކަނެކްޝަނާ ހިސާބަށް ގޮސްފައި އޮއްވާ ގާތްގަނޑަކަށް މި ވެރިކަން އައީ. އިމާރާތް މިހުރީ ހުރިގޮތަށް.ދިގުރަށު ކައުންސިލްގެ ރައީސް އިބްރާހިމް އުސްމާން
ކައުންސިލްގެ ރައީސް ވިދާޅުވީ ފެނުގެ ހިދުމަތް ރަސްމީކޮށް ފެށިގެންދާނެ ކަމަށް އުއްމީދުކުރައްވާ ކަމަށާއި، އެކަން ކުރާނީ ރައީސް ޑރ. މުހައްމަދު މުއިއްޒުގެ ދަތުރުފުޅުގެ ތެރެއިން ކަމަށް ގަބޫލުކުރައްވާ ކަމަށެވެ.
