ޕްރައިވެޓައިޒޭޝަން ބޯޑުގެ ރައީސް ކަމަށް އާސިމަށް ރުހުން ހޯދުމުގެ މައްސަލަ އެސްއޯއީ ކޮމިޓީއަށް
ދައުލަތުގެ ކުންފުނިތައް ޕްރައިވެޓައިޒް ކޮށްގެން 771 މިލިއަން ރުފިޔާ ހޯދުމަށް ދައުލަތުގެ މިއަހަރު ބަޖެޓުގައި ހިމަނާފައިވޭ
އެސްއޯއީ ކޮމިޓީގެ ބައްްދަލުވުމެއްގެ ތެރެއިން
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ރައީސަކަށް އައްޔަން ކޮށްފައިވާ ގ.މެޒަރިން، އާސިމް މުހައްމަދަށް ރުހުން ހޯއްދެވުމަށް ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވި މައްސަލަ ދިރާސަކުރަން ސްޓޭޓް އޯންޑް އެންޓަރޕްރައިޒަސް ކޮމިޓީއަށް ފޮނުވައިފިއެވެ.
ޕްރައިވެޓައިޒޭޝަން ބޯޑުގެ ރައީސްކަމަށް އާސިމް އައްޔަންކުރައްވާފައިވަނީ މިދިޔަ ޑިސެމްބަރު މަހުގެ 15 ވަނަ ދުވަހުއެވެ. ކުރިން އާސިމް ހުންނެވީ އެ ބޯޑުގެ ނާއިބު ރައީސް ކަމުގެ މަގާމުގައެވެ.
ޕްރައިވެޓައިޒޭޝަން ބޯޑުގައި އާސިމްގެ އިތުރުން ދެން ތިއްބެވި މެންބަރުންނަކީ އައިޝަތު ޝާޒްލީ އާއި، އަލީ ޝަފީއު އާއި، އަހްމަދު ޝަރީފް ޔޫސުފް އާއި، ރުޝާހާ އަހަމްދު ޝަރީފްގެ އިތުރުން އަލީ ސުޖާއުއެވެ.
ކޮމިޓީއަށް މި މައްސަަލަ ފޮނުއްވިކަން އިއުލާން ކުރައްވަމުން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވީ، ދައުލަތުގެ ކުންފުނިތައް ޕްރައިވެޓައިޒް ކޮށްގެން 771 މިލިއަން ރުފިޔާ ހޯދުމަށް ދައުލަތުގެ މިއަހަރު ބަޖެޓުގައި ހިމަނާފައިވާ ކަމަށެވެ.
