ރާއްޖޭގެ އިމާމުންނަށް ޙިފްޡުކޮށް ތަރާވީޙު ނަމާދުކުރުމުގެ ފުރުޞަތު
އަހަރު ދިވެހި ޙާފިޡުންނަށް އެލަވަންސް ފައިސާ ދިނުމަށް ހަމަޖެހިފައި ވަނީ އިމާމުވެ ޙިފްޡުކޮށް ތަރާވީޙު ނަމާދު ކުރާ ކޮންމެ ރެޔަކަށް 500
ނާވައިދޫ މިސްކިތް
1443 ވަނަ އަހަރުގެ ރަމަޟާން މަހު ރާއްޖޭގެ މިސްކިތްތަކުގައި އިމާމުވެ ޙިފްޡުކޮށް ތަރާވީޙު ނަމާދު ކުރާނެ ދިވެހި ޙާފިޡުން ހޯދަން ބޭނުންވާކަމަށް މިނިސްޓްރީ އޮފް އިސްލާމިކް އެފެއާޒުން ބުނެފިއެވެ.
އެމިނިސްޓްރީން ބުނީ މިއަހަރު މާލޭ ސިޓީގެ މިސްކިތްތަކުގައި އިމާމުވެ ޙިފްޡުކޮށް، ތަރާވީޙު ނަމާދު ކުރުމަށް ބޭނުންވާ ފަރާތްތަކުން ފޯމް ފުރިހަމަ ކުރުމަށްފަހު ލިޔުންތަކާއިއެކު 28 ފެބްރުއަރީ 2022 ވާ ހޯމަ ދުވަހުގެ 14:00 ގެ ކުރިން އެ މިނިސްޓްރީއަށް ހުށަހެޅުމަށެވެ.
މީގެއިތުރުން ސިޓީ ކައުންސިލްގެ އިދާރާތައް ހިމެނޭ ރަށްރަށާއި ރަށު ކައުންސިލްގެ އިދާރާތައް ހިމެނޭ ރަށްރަށުގެ މިސްކިތެއްގައި އިމާމުވެ ޙިފްޡުކޮށް ތަރާވީޙު ނަމާދު ކުރަން ބޭނުންވާ ފަރާތްތަކުން އެކަމަށް އެދޭ ފޯމް ފުރިހަމަ ކުރުމަށްފަހު ލިޔުންތަކާއިއެކު 21 ފެބްރުއަރީ 2022 ވާ ބުރާސްފަތި ދުވަހުގެ 14:00 ގެ ކުރިން އެ ސިޓީ ކައުންސިލްގެ އިދާރާއަށް ނުވަތަ ރަށު ކައުންސިލްގެ އިދާރާއަށް ހުށަހަޅަން ޖެހޭނެކަމަށެވެ.
މިއަހަރު ރާއްޖޭގެ މިސްކިތްތަކުގައި އިމާމުވެ ޙިފްޡުކޮށް ތަރާވީޙު ނަމާދު ކުރުމަށް ދިވެހި ހާފިޡުންނަށް ހުއްދަ ދިނުމަށް ހަމަޖެހިފައި ވަނީ މާލެ ސިޓީ ފިޔަވައި އެހެން ސިޓީ ކައުންސިލްގެ އިދާރާތައް ހިމެނޭ ރަށްރަށާއި، އެ ރަށެއްގެ ރަށު ކައުންސިލްގެ އިދާރާތައް މެދުވެރިކޮށް އެ މިނިސްޓްރީއަށް ހުށައަޅާ ލިޔެކިޔުންތަކަށް ރިއާޔަތް ކޮށްފައި ކަމަށް އިސްލާމިކް މިނިސްޓްރީން ބުނެއެވެ.
މި އަހަރު ދިވެހި ޙާފިޡުންނަށް އެލަވަންސް ފައިސާ ދިނުމަށް ހަމަޖެހިފައި ވަނީ އިމާމުވެ ޙިފްޡުކޮށް ތަރާވީޙު ނަމާދު ކުރާ ކޮންމެ ރެޔަކަށް 500 (ފައްސަސަތޭކަ) ރުފިޔާގެ މަގުންނެވެ.
