ހަނިމާދޫ އެއަރޕޯޓު ނުލާ މިހާތަނަށް ހދ އަތޮޅަށް 970 މިލިއަން ރުފިޔާ ހަރަދުކުރެވިއްޖެ – ރައީސް
26 ސެޕްޓެމްބަރު 2022 | ހޯމަ 07:57ހދ އަތޮޅަށް. ކުރިއަށް ހުރި މަޝްރޫއުތައް ނިމިގެންދާއިރު ހަރަދު ކުރެވުނު އަދަދު ބޮޑުތަނުން އިތުރުވެގެންދާނެ
ނައިވާދޫގެ ފެނުގެ ނިޒާމް ރަސްމީކޮށް ރައީސް ޞާލިހު ފައްޓަވައިދެއްވާ ވާހަކަފުޅުދައްކަވަނީ
ހަނިމާދޫ އިންޓަރނޭޝަނަލް އެއަރޕޯޓުގެ މަސައްކަތް ނުހިމަނައި މިހާތަނަށް ހދ އަތޮޅަށް 970 މިލިއަން ރިފުފިޔާ ތަރައްގީގެ މަޝްރޫއުތަކަށް ހަރަދުކުރެވިއްޖެ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
ނައިވާދޫ ފެނުގެ ނިޒާމް ރަސްމީކޮށް ފައްޓަވައިދެއްވާ ވާހަކަފުޅު ދައްކަވަމުން ރައީސް ވިދާޅުވީ މުޅި ހދ. އަތޮޅަށް ބަލާއިރުގައި، ސަރުކާރުން ތަރައްގީގެ އެކި ބާވަތްބާވަތުގެ 199 މަޝްރޫއެއް ހިންގަމުން އެބަގެންދާ ކަމަށެވެ. މުޅިއެކު ގާތްގަނޑަކަށް މިހާތަނަށް 970 މިލިއަން ރުފިޔާ ހަރަދުކުރެވިފައިވާ ކަމަށް ރައީސް ވިދާޅުވިއެވެ.
ރައީސް ވިދާޅުވީ އެންމެ ބޮޑު ބަދަލެއް ގެނުވާ އެކައްޗަކީ އާރުޓީއެލްގެ ހިދުމަތް ކަމަށެވެ. އެއް ރަށުން އަނެއް ރަށަށް ރައްޔިތުންނަށް ދެވި އެއް ރަށުން ނުލިބޭ ހިދުމަތް އަނެއް ރަށުން ހޯދަން، އެއް ރަށުން އަނެއް ރަށް ދެވޭނެގޮތް ހަދައިދިނުމަކީ ސަރުކާރުންވި އެންމެ ބޮޑު އެއް ވައުދު ކަމަށެވެ.
ރައީސް ވިދާޅުވީ ތަރައްގީއަށްޓަކައި ކުރަންޖެހޭ މަސައްކަތް އަބަދުވެސް އޮންނާނެ ކަމަށެވެ. އެއީ ހުއްޓުމެއް ނެތި ކުރަންޖެހޭ މަސައްކަތެއް ކަމަށާއި، އަބަދުވެސް އިތުރަށް ބޭނުންވާ ކަންކަން ހުންނާނެ ކަމަށެވެ. ރައީސް ވިދާޅުވީ އިރާދަކުރެއްވިއްޔާ ކޮންމެ ރަށަކަށް ބޭނުންވާ ކަންކަން ދެނެގަނެ އެކަންތައްތައް ކުރުމުގައި ދެމިތިބޭނެ ކަމަށެވެ.
