ޖިނާއި އަދުލުގެ ނިޒާމު ރަނގަޅުވާނީ ތަހުގީގު މަރުހަލާ އިސްލާހު ކުރެވިގެން ކަަމަށް މަތިވެރި ދާއިރާގެ މެމްބަރު ހަސަން ޒަރީރު ވިދާޅުވެއްޖެއެވެ.
ޖިނާއީ މައްސަލަތަކުގެ އަޑުއެހުންތައް ތާވަލްކުރެވޭ ގޮތާއި އެއްގޮތަށް ކުރިއަށް ނުދާ މައްސަލައާމެދު މަަޝްވަރާ ކުރުމަށް ބުދަ ދުވަހު އޮތް ޖުޑިޝަރީ ކޮމިޓީގެ ބައްދަލުވުމުގައި މެމްބަރު ޒަރީރު ވިދާޅުވީ، އެއްބާވަތުގެ ބޮޑެތި މައްސަލަތަކުގައި ގާނޫނީ ގޮތުން ފުރިހަމަ ކުރަންޖެހޭ ކަންކަން ތަހުގީގު މަރުހަލާގައި ފުރިހަމަ ނުކުރުމުގެ ސަބަބުން މައްސަަލަތައް ސާބިތުނުވެދާކަމަށެވެ. އެހެންކަމުން ހަމައެކަނި ގާނޫނުތަކަށް އިސްލާހު ގެނެސްގެން މިކަމަށް ހައްލު ނުލިބޭނެ ކަމަށާއ، އެކަން ކުރަން ތިބޭ މީހުން އެ ގާނޫނޫތައް ތަންފީޒު ނުކުރާނަމަ އެކަމަށް ހައްލު ނުލިބޭނެ ކަމަށް ޒަރީރު ވިދާޅުވިއެވެ.
އެހެންކަމުން މިހާރު ބަލަންޖެހޭ ކަމަކީ، މައްސަލަ ދިމާވަނީ ކޮން ހިސާބަކުންތޯ ކަމަށާއި، މިކަން މޮނިޓަރ ކުރެވި އިސްލާހުކުރަން މަސައްކަތް ކުރަންވެއްޖެ ކަމަށް ޒަރީރު ވިދާޅުވިއެވެ.
މައިގަނޑު އެއްކަމެއްގެ ގޮތުގައި ފާހަގަކޮށްލަންޖެހޭ ތަހުގީގީ މަރުހަލާ އެބަ ޖެހޭ އިސްލާހުކުރަން. ކިތަންމެ ބޮޑު ގާނޫނެއް އަދި ގަވާއިދެއް ހެދިޔަސް އެކަން ކުރަން ތިބޭ މީހުން އެ ގާނޫނަށް ގަވާއިދު އިމްޕްލިމެންޓް ނުކުރާ ނަަމަ އެ ވޯކްއައުޓް ނުކުރާނެހަސަން ޒަރީރު / މަތިވެރި ދާއިރާ
ޒަރީރު ވިދާޅުވީ، 19 ވަނަ ރައްޔިތުންގެ މަޖިލީހުން ދައުލަތުގެ މުއައްސަސާތަކުން އެދޭ ގޮތަށް ގާނޫނުތައް ބަދަލު ކުރަމުން އަންނަ ކަމަށެވެ. އޭގެ ބޭނުކަމީވެސް ރައްޔިތުންނަށް ދައުލަތުގެ މުއައްސަސާތަކުން އިންސާފު ލިބުން ކަމަށެވެ. އެހެންނަަމަވެސް އެކަން އެމަގުންދާތަން ނުފެންނަކަމަށް ޒަރީރު ވިދާޅުވިއެވެ.
