ދަރުބާރުގޭ ސަރަހައްދުގެ ބައެއް ގޭބީސީތަކުން ފެނުގެ ޚިދުމަތް މެދުކެނޑިދާނެ: އެމްޑަބްލިއުއެސްސީ
ޚިދުމަތް މެދުކެނޑޭނީ މާލޭގެ ވޯޓަރ ނެޓްވޯރކްގެ އެމަރޖެންސީ މަރާމާތުގެ މަސައްކަތެއް ކުރަމުންދާތީ
މާލޭ ވޯޓަރ އެންޑް ސްވަރޭޖް ކޮމްޕެނީ ބިލްޑިންގ
ދަރުބާރުގޭ ސަރަހައްދުގެ ބައެއް ގޭބީސީތަކުން ފެނުގެ ޚިދުމަތް މެދުކެނޑިދާނެކަމަށް މާލޭ ވޯޓަރ އެންޑް ސުވަރޭޖް ކޮމްޕެނީ (އެމްޑަބްލިއުއެސްސީ)ން ބުނެފިއެވެ.
އެމްޑަބްލިއުއެސްސީން ބުދަ ދުވަހު ނެރުނު ނޯޓިސްއެއްގައި ބުނެފައިވަނީ މާލޭގެ ވޯޓަރ ނެޓްވޯރކްގެ އެމަރޖެންސީ މަރާމާތުގެ މަސައްކަތެއް، އަމީނީމަގު ދަރުބާރުގޭ ސަރަހައްދުގައި ކުރަމުން އަންނަ ކަމަށެވެ. އަދި މިކަމުގެ ސަބަބުން އެސަރަހައްދުގައި ހިމެނޭ ބައެއް ގޭބީސީތަކުން ފެނުގެ ޚިދުމަތް މެދުކެނޑިގެންދާނެ ކަމަށެވެ.
ވީއެންމެ އަވަހަކަށް މި ޚިދުމަތް ފޯރުކޮށްދިނުމުގެ މަސައްކަތް ކުރަމުންދާކަމަށް އެކުންފުނިން ވަނީ ބުނެފައެވެ.
މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް އެމްޑަބްލިއުއެސްސީން ވަނީ މައާފަށް އެދިފައެވެ.
