"އަލަމާ-5"ން ގެއްލުނު ތިން މީހުންގެ ތެރެއިން ދެމީހުން ސަލާމަތްކޮށްފި
ދިވެހި މީހާ ހޯދުމުގެ މަސައްކަތް މިހާރު އަންނަނީ ކުރަމުން
އަލަމާ-5 ދޯނިން ގެއްލިގެން ހޯދަމުން އަންނަނިކޮށް ފެނުނު ދެ ފަޅުވެރިން
ފ. ފީއަލިން ފުރައިގެން މާލެއަށް ދަތުރުކުރަމުންދިޔަ “އަލަމާ 5”ދޯނިން ގެއްލުނު ތިން މީހުންގެ ތެރެއިން ދެ މީހުން ސަލާމަތްކޮށްފިއެވެ.
އެމްއެންޑީއެފުން ދާދި ދެންމެއަކު ބުނީ ގެއްލުނު ތިން މީހުގެތެރެއިން ދެމީހުން ބުދަ ދުވަހު ހެނދުނު 06:50 ހާއިރު 'ލަކްސް' ސައުތު އަރި އެޓޯލް ރިސޯޓް ކައިރިން ކޯސްޓްގާޑް ސީއެމްބިއުލާންސް-34 އަށް ނަގާފައިވާ ކަމަށެވެ.
އެމްއެންޑީއެފުން ބުނީ މީމީހުން ހޯދުމަށްޓަކައި ކޯސްޓްގާޑް ޝިޕް ހުރަވީ، ކޯސްޓްގާޑް ސީ އެމްބިއުލަންސް-34، މޯލްޑިވްސް ޕޮލިސް ސަރވިސް، ދޯނީގެ ވެރިފަރާތާއި އަދި މީގެ އިތުރުން ވައިގެ މަގުން އެސަރަހައްދުގައި ޓީ.އެމް.އޭ ގެ 10 ސީޕްލޭންއާއި ފްލައިމީގެ މަތިންދާބޯޓެއްވެސް ހަރަކާތްތެރިވެފައިވާ ކަމަށެވެ.
ހުސް ހަންތަކެއްގައި އެލިގެންތިއްބާ އެމްއެންޑީއެފުން ސަލާމަތްކޮށްފައިވަނީ އަލަމާ-5 ދޯނިން ގެއްލުނު ދެ ބަންގްލަދޭޝް މީހުން ނެވެ. ގެއްލުނު ފަޅުވެރިންގެ ތެރެއިން ދިވެއްސަކު އަދި ފެނިފައެއް ނުވެއެވެ، އޭނާ ހޯދުމުގެ މަސައްކަތް ވައިގެ މަގުންނާއި ކަނޑުމަގުން ދަނީ މެދުކެނޑުމެއްނެތި ކުރަމުންކަމަށް އެމްއެންޑީއެފުން މައުލޫމާތުދެއެއެވެ.
ވ. ފުއްސަރު ކައިރިން އަލަމާ ނަމަކަށް ކިޔާދޯންޏެއް، އަޑިއަށްދާކަމުގެ މައުލޫމާތު ލިބިގެން ކޯސްޓްގާޑުން ހަރަކާތްތެރިވާން ފަށައިފައިވަނީ އަންގާރަ ދުވަހުގެ ހެނދުނު 7:15 ހާއިރުއެވެ. އެ ދޯނީގައި ތިބީ ދިވެހި ކައްޕިއަކާއި ބިދޭސީ ދެ ފަޅުވެރިންނެވެ. އެއީ 60 ފޫޓުގެ ދޯންޏެކެވެ.
