އެއްގަޑިއިރު ތެރޭގައި ބްރިޖްގައި ތިން އެކްސިޑެންޓް!
އެއްވެސް މީހަކަށް އަނިޔާއެއް ނުވޭ
ތޯހިރާ އަޒްހާރް | 1 ޖެނުއަރީ 2022 | ހޮނިހިރު 16:14
ސިނަމާލެ ބްރިޖުގައި މީގެ ކުރިން ހިނގި އެކްސިޑެންޓެއް
ހުކުރު ދުވަހުގެރޭ ސިނަމާލެ ބްރިޖްގައި ތިން އެކްސިޑެންޓް ހިނގާފައިވާކަމަށް ފުލުހުން ބުނެފިއެވެ.
ފުލުހުން ބުނީ ހުކުރު ދުވަހުގެރޭ 22:45 އާ 00:00 އާ ދެމެދު 3 އެކްސިޑެންޓް ހިނގާފައިވާކަމަށެވެ. މީގެ ތެރެއިން އެއް އެކްސިޑެންޓު ހިނގާފައިވަނީ ސައިކަލަކާއި، ކާރެއް ޖެހިގެންނެވެ. ބާކީ ދެ އެކްސިޑެންޓް ހިނގާފައިވަނީ 2 ކާރެއް ޖެހިގެން ކަމަށް ފުލުހުން ބުނެފައިވެއެވެ.
މި ތިން އެކްސިޑެންޓްގައިވެސް އެއްވެސް މީހަކަށް އަނިޔާއެއް ލިބިފައިނުވާކަމަށް ފުލުހުން ބުނެފައިވެއެވެ. އެހެންނަމަވެސް އުޅަނދުތަކަށް އެކި ވަރުގެ ގެއްލުން ލިބިފައިވާކަމަށް ބުނެއެވެ.
މި ތިން މައްސަލަވެސް އިތުރަށް ތަހުގީގު ކުރަމުންދާކަމަށް ފުލުހުން ބުނެފައިވެއެވެ.
