ކ. މާލެ
|
1 ޖެނުއަރީ 2022 | ހޮނިހިރު 08:39
ފިލިޕީންސަށް އެރި ތޫފާން ރާއީގައި ގެއްލުން ވެފައިވާ ސަރަހައްދެއް
ފިލިޕީންސަށް އެރި ތޫފާން ރާއީގައި ގެއްލުން ވެފައިވާ ސަރަހައްދެއް
ރޮއިޓަރސް
ފިލިޕީންސަށް އެރި ތޫފާން
ފިލިޕީންސަށް އެރި ތޫފާނުގައި މަރުވި މީހުންގެ އަދަދު 405ށް، ގެއްލުނު މީހުންގެ އަދަދު 82ށް
 
ތޫފާނުގެ އަސަރު 4.5 މިލިއަން މީހުންނަށް ކޮށްފައިވޭ
 
މިތޫފާންގައި 530،000 ގެ ހަލާކުވެފައިވާއިރު އިންފްރާ ސްޓްރަކްޗަރ އާއި ދަނޑުވެރިކަމަށް ލިބުނު ގެއްލުމުގެ އަދަދު 459 މިލިއަނަށް އަރާ
 
ހާލަތު ގޯސް ޕްރޮވިންސްތަކުން އިތުރު ކާނާ އާއި ބޯފެނާއި ބޯހިޔާވަހިކަމަށް އަންނަނީ އެދެމުން

ފިލިޕީންސަށް އެރި ބާރުގަދަ ތޫފާން ރާއީގައި މަރުވި މީހުންގެ އަދަދު 405ށް އަރާފައިވާކަމަށް އެގައުމުގެ ޑިޒާސްޓަރ އެޖެންސީން ބުނެފިއެވެ.

ތޫފާން އެރިތާ ދެ ހަފްތާ ވެފައިވާއިރު އޮފިޝަލުން ވިދާޅުވީ ހާލަތު ގޯސް ޕްރޮވިންސްތަކުން އިތުރު ކާނާ އާއި ބޯފެނާއި ބޯހިޔާވަހިކަމަށް އެދެމުންދާކަމަށެވެ. ރާއީ އަކީ ފިލިޕީންސަށް 2021 ވަނަ އަހަރު އެރި އެންމެ ބާރުގަދަ 15 ވަނަ ތޫފާނެވެ. އަދި އެންމެ ބޮޑު ގެއްލުމެއްވެސް ލިބިފައިވަނީ ރާއީންނެވެ.

ނޭޝަނަލް ޑިޒާސްޓަރ އެޖެންސީގެ ޗީފް ރިކާޑޯ ޖަލާދު ވިދާޅުވީ ގިނަ މީހުން މަރުވެފައިވަނީ ގެނބިގެންނާއި ވެއްޓިފައިވާ ގަސްތައް ދަށުވެގެންނާއި ބިންގަނޑު ކަނޑައިގެން ދިޔުމުގެ ސަބަބުންކަމަށެވެ. 82 މީހުން އަދިވެސް ނުފެންނައިރު 1147 މީހުންނަށް ވަނީ އެކި ވަރުގެ އަނިޔާތައް ލިބިފައެވެ.

މިތޫފާންގައި 530،000 ގެ ހަލާކުވެފައިވާއިރު އިންފްރާ ސްޓްރަކްޗަރ އާއި ދަނޑުވެރިކަމަށް ލިބުނު ގެއްލުމުގެ އަދަދު 459 މިލިއަނަށް އަރާނެކަމަށް ޖަލާދު ވިދާޅުވިއެވެ. ތޫފާންގެ އަސަރު 4.5 މިލިއަން މީހުންނަށް ކޮށްފައިވެއެވެ. 500،000 މީހުން އަންނަނީ ވަގުތީ ހިޔާތަކުން ބޯހިޔާވަހިކަން ހޯދަމުންނެވެ.

ސަރުކާރާއި އެހީތެރިކަން ފޯރުކޮށްދޭ އެކި ޖަމާއަތްތަކަށް އެހީތެރިކަން ފޯރުކޮށްދިނުމުގައި އަންނަނީ ދަތިތަކާއި ކުރިމަތިވެ ލަސްތައް ވަމުންނެވެ.

ފިލިޕީންސަށް މިހާތަނަށް އެރި އެންމެ ބާރުގަދަ ތޫފާން އަރުވާފައިވަނީ 2013 ވަނަ އަހަރުއެވެ. އެތޫފާންގައި 6300 މީހުން ވަނީ މަރުވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިމާދު ލަތީފް
0%
0%
0%
0%
0%
0%
ކޮމެންޓް