ގުޅީފަޅު ކައިރިއަށް ގެއްލުނު ޒުވާނާ އަދިވެސް ނުފެނޭ
ގެއްލިގެން ހޯދަމުންދަނީ 21 އަހަރުގެ ފިރިހެނެއް
ބޯވަ ނަގަން ފޭބި ޒުވާނަކު ގެއްލިގެން ހޯދަނީ
ގުޅީފަޅު ކައިރިއަށް ގެއްލުނު ޒުވާނާ އަދިވެސް ހޯދަމުންދާކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނެފިއެވެ.
އެމްއެންޑީއެފްއިން ބުނީ ހުކުރު ދުވަހުގެ ހެނދުނު 08:58 ހާއިރު ގުޅިފަޅު ކައިރިއަށް ބޯވަ ނަގަން ގޮސް އުޅުނު 21 އަހަރުގެ ދިވެހި ފިރިހެނަކު ގެއްލިގެން ރިޕޯޓުކޮށްފައިވާ ކަމަށެވެ. އެމީހާ ހޯދުމުގެ މަސައްކަތް އޭރުން ފެށިގެން ކުރަމުންދާކަމަށް އެމްއެންޑީއެފްއިން ބުނެފައިވެއެވެ.
ގެއްލުނު މީހާ ހޯދުމުގެ މަސައްކަތް ކޯސްޓްގާޑްގެ ޓީމުން ކުރަމުންދާކަމަށް އެމްއެންޑީއެފުން ބުނެފައިވެއެވެ. އެމީހާ ހޯދުމުގެ މަސައްކަތް ކުރަމުންދާތާ މިހާރު މިވަނީ 12 ގަޑިއިރުވެފައެވެ. އެޒުވާނާ ލައިގެން ހުރީ އަޅި ކުލައިގެ ޓީޝާޓަކާއި ކަޅުކުލައިގެ ސޯޓެއްކަމަށް މައުލޫމާތު ލިބިފައިވާ ކަމަށް އެމްއެންޑީއެފްއިން ބުނެފައިވެއެވެ.
އެމްއެންޑީއެފުން ވަނީ ގެއްލިގެން ހޯދަމުންދާ މީހާގެ ވަނަވަރު އާންމުކޮށްފައެވެ. ގެއްލިގެން ހޯދަމުންދަނީ ހދ. ކުމުންދޫ، އަރާއިރު، 21 އަހަރުގެ ޝުރޭހު ހަސަން ކަމަށް އެމްއެންޑީއެފުން ބުނެފައިވެއެވެ.
