ބޯވަ ނަގަން ފޭބި ޒުވާނަކު ގެއްލިގެން ހޯދަނީ!
31 ޑިސެމްބަރު 2021 | ހުކުރު 06:56އެއީ 21 އަހަރުގެ ޒުވާނެއް
ޒުވާނާ ގެއްލުނު ކަމަށް ބުނާ ސަރަހައްދު،
ކ. ގުޅިފަޅު ކައިރިއަށް ބޯވަ ނަގަން ފޭބި ޒުވާނަކު ގެއްލިގެން އޭނާ ހޯދުމުގެ މަސައްކަތް ފަށައިފިއެވެ.
އެމްއެންޑީއެފުން ބުނީ ހުކުރު ދުވަހުގެ ހެނދުނު 08:58 ހާއިރު ގުޅިފަޅު ކައިރިއަށް ބޯވަ ނަގަން ގޮސް އުޅުނު 21 އަހަރުގެ ދިވެހި ފިރިހެނަކު ގެއްލިގެން ރިޕޯޓުކޮށްފައިވާ ކަމަށެވެ. މި ރިޕޯޓު ލިބުމާއެކު އޭނާ ހޯދުމުގެ މަސައްކަތް ފެށި ކަމަށާއި، ކޯސްޓްގާޑުން އެސަރަހައްދުގައި ހަރަކާތްތެރިވަމުންދާ ކަމަށް އެމްއެންޑީއެފުން ބުނެއެވެ.
މީގެ އިތުރުން އެމްއެންޑީއެފުން ބުނީ އެޒުވާނާ ލައިގެން ހުރި އަޅި ކުލައިގެ ޓީޝާޓަކާއި ކަޅުކުލައިގެ ސޯޓެއްކަމަށް މައުލޫމާތު ލިބިފައިވާ ކަށެވެ.
ބޯވަ ނެގުމަށާއި، ފީނަށް ގޮސްގެން އުޅޭ މީހުން ގެއްލިގެން ދުވަސްދުވަހުން ރިޕޯޓު ކުރެވެމުންދާއިރު، މިފަދަ ކަންކަމުގައި އެކަނި ނުދިއުމަށް ކަމާބެހޭ ފަރާތްތަކުން އިލްތިމާސްކުރެއެވެ.
