ބޫސްޓަރ ޑޯޒް ޖެހި މީހުންގެ އަދަދު 25،584ށް
ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 396،745ށް އަރާފައި
ކޮވިޑް-19 ވެކްސިން ޖެހުން
ބޫސްޓަރ ޑޯޒް ޖެހި މީހުންގެ އަދަދު 25،584ށް އަރައިފިއެވެ.
ހެލްތު ޕްރޮޓެކްޝަން އެޖެންސީ(އެޗްޕީއޭ)ން އެންމެ ފަހުން އާންމުކޮށްފައިވާ ތަފާސްހިސާބުތަކަށް ބަލާއިރު އަންގާރަ ދުވަހު ބޫސްޓަރ ޑޯޒް ޖަހާފައިވަނީ 481 މީހުންނެވެ. އެއީ މާލެ ސަރަހައްދުން 140 މީހުންނާއި އަތޮޅުތަކުން 341 މީހުންނެވެ.
މީގެއިތުރުން އަންގާރަ ދުވަހު ވެކްސިންގެ ފުރަތަމަ ޑޯޒް, 64 މީހުން ވަނީ ޖަހާފައެވެ. އެއީ މާލެ ސަރަހައްދުން 27 މީހުންނާއި އަތޮޅުތަކުން 37 މީހުންނެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 396،745ށް އަރާފައެވެ.
ދެވަނަ ޑޯޒް، 152 މީހުން ވަނީ ޖަހާފައެވެ. އެއީ މާލެ ސަރަހައްދުން 108 މީހުންނާއި އަތޮޅުތަކުން 44 މީހުންނެވެ. މިއާއެކު ދެވަނަ ޑޯޒް ޖެހި މީހުންގެ އަދަދު ވަނީ 367،346ށް އަރާފައެވެ.
