މޯލްޑިވްސް ކަރެކްޝަނަލް ސަރވިސް (އެމްސީއެސް) އިން 34 ޕްރިޒަން އޮފިސަރުންނަށް މަގާމުގެ ކުރިއެރުން ދީފިއެވެ.
އޮފިސަރުންނަށް މަގާމުގެ ކުރިއެރުން ދީފައިވަނީ މާފުށީ ޖަލުގައި ބޭއްވި ޚާއްސަ ރަސްމިއްޔާތެއްގައެވެ. މި ރަސްމިއްޔާތު ޝަރަފްވެރިކޮށްދެއްވައި، އޮފިސަރުންނަށް މަގާމުގެ ކުރިއެރުން ލިބުނު ކަމުގެ ލިޔުން ހަވާލުކޮށްދެއްވީ ކޮމިޝަނަރ އޮފް ޕްރިޒަންސް އަހުމަދު މުހައްމަދުފުޅެވެ.
މި ރަސްމިއްޔާތުގައި ސީޕީގެ އިތުރުން ޑެޕިއުޓީ ކޮމިޝަނަރ އޮފް ޕްރިޒަންސް އިބްރާހިމް މުހައްމަދު ދީދީ އާއި ކޮމިޝަންޑް އޮފިސަރުން ބައިވެރިވިއެވެ.
ކަރެކްޝަނަލް ސަރވިސްގެ އޮފިސަރުންނަށް އެންމެ ފަހުން މަގާމުގެ ކުރިއެރުން ދީފައިވަނީ އެ މުއައްސަސާގެ 48 ވަނަ އަހަރީ ދުވަސް ފާހަގަކުރުމަށްޓަކައި މާފުށީ ޖަލުގައި ބޭއްވި ރަސްމިއްޔާތުގައެވެ. އެ ރަސްމިއްޔާތުގައި އެމްސީއެސްގައި ދިގު މުއްދަތަކަށް ވަޒީފާ އަދާކޮށްފައިވާ އޮފިސަރުންނަށާއި މުވައްޒަފުންނަށް ހިދުމަތުގެ އަގު ވަޒަންކުރުމުގެ ގޮތުން ވަނީ ހަނދާނީ ފިލާ ދީފައެވެ.
