އަނިޔާވީ މީހަކު ހަމަލާދީގެނެއް ނޫން: ފުލުހުން
އަނިޔާވީ އަމިއްލަޔަށް ގެންގުޅުނު އެއްޗަކުން
މާލޭގައި މާރާމާރީއެއް ހިނގައި ޒުވާނަކު ޒަޚަމްވުން
މާލޭގައި މާރާމާރީއެއް ހިންގައި ޒުވާނަކު ޒަޚަމްކޮށްލިކަމަށް ފުލުހުންނަށް ހުށަހަޅާފައިވާ މައްސަލަ ބެލުމަށްފަހު އެމީހާއަށް އަނިޔާވީ މީހަކު ހަމަލާދީގެން ނޫންކަމަށް ފުލުހުން ބުނެފިއެވެ.
ފުލުހުން ބުނީ މެހެލިގޯޅީގައި މީހަކަށް ހަމަލާދީ ޒަޚަމްކޮށްލާފައިވާ ކަމުގެ މައުލޫމާތު ހުކުރު ދުވަހުގެ ހެނދުނު 8:21 ހާއިރު ލިބިފައިވާ ކަމަށެވެ. އަނިޔާ ލިބިފައިވަނީ 22 އަހަރުގެ ދިވެހި ފިރިހެނަކަށް ކަމަށް ފުލުހުން ބުނެއެވެ.
އޭނާއަށް އޭޑީކޭ ހޮސްޕިޓަލްގައި ފަރުވާ ދެމުންދާއިރު، އާއްމުވެފައިވާ ފޮޓޯތަކުން ފެންނަ ގޮތުގައި ގިނަ އަދަދެއް ލޭ އެތަނުގައި ހުއްޓެވެ.
މި މައްސަލައާ ގުޅިގެން ފުލުހުން މިހާތަނަށް ބެލި ބެލުމުން އަނިޔާވެފައިވާ މީހާއަށް ލިބިފައިވާ އަނިޔާއަކީ މީހަކު ދިން ހަމަލާއެއްގެ ސަބަބުން ލިބިފައިވާ އަނިޔާއެއް ނޫންކަމަށް ފުލުހުން ވަނީ ބުނެފައެވެ. ފުލުހުން ބުނީ އެއަނިޔާއަކީ އަނިޔާ ލިބުނު މީހާ ގެންގުޅުނު އެއްޗަކުން އެމީހާއަށް ލިބިފައިވާ އަނިޔާއެއްކަން ތަހުގީގަށް މިހާތަނަށް އެނގިފައިވާ ކަމަށެވެ.
މިހާދިސާ ފުލުހުން ދަނީ އިތުރަށް ތަހުގީގު ކުރަމުންނެވެ.
