ނާސާގެ ޖައްވީ އުޅަނދު އަލަށް ސޯލާ އެޓްމޮސްފެއަރއަށް ވަނުމާއެކު އައު ހޯދުންތަކެއް!
16 ޑިސެމްބަރު 2021 | ބުރާސްފަތި 15:11މިއީ ޖައްވީ އުޅަނދެއް އިރުގެ އެޓްމޮސްފެއަރއަށް ވަތް ފުރަތަމަ ފަހަރު
ނާސާގެ ޖައްވީ އުޅަނދު ޕޯކާ ސޯލާ ޕްރޯބް
ނާސާގެ ޖައްވީ އުޅަނދު، ޕާކާ ސޯލާ ޕްރޯބް ސޯލާ އެޓްމޮސްފެއަރއަށް ކުރި ދަތުރު ކާމިޔާބުކަމާއެކު ނިންމާލައިފިއެވެ.
ނާސާއިން ބުނީ 2018 ވަނަ އަހަރު ޕާކާ ސޯލާ ޕްރޯބް ސޯލާ އެޓްމޮސްފެއަރއަށް ދަތުރުފެށިއިރު، މި ދަތުރުގައި ކާމިޔާބު ކަމާއެކު ޖައްވީ އުޅަނދު އިރުގެ އެޓްމޮސްފެއަރއަށް ވަދެފައިވާ ކަމަށެވެ. އަދި މިއީ ޖައްވީ އުޅަނދަކުން އިރުގެ އެޓްމޮސްފެއަރއަށް ވަތް ފުރަތަމަ ފަހަރު ކަމަށް ނާސާއިން ބުނެއެވެ.
ނާސާއިން ބުނީ ކާމިޔާބުކަމާއެކު ނިންމާލެވުނު މި ޕްރޮޖެކްޓާއެކު، އިރާބެހޭގޮތުން ކުރިން ނޭނގޭ އެތައް ކަމެއް އެނގިގެންދާނެ ކަމަށާއި، އަދި މިއީ ދުނިޔެއާ އެންމެ ކައިރި ތަރީގެ ހަގީގަތް ދެނެގަތުމަށް ލިބިގެންދިޔަ ބޮޑު ކުރިއެރުމެއް ކަމަށެވެ.
ނާސާއިން ހިންގި މި ޕްރޮޖެކްޓުގެ ޑިރެކްޓަރު ތޯމަސް ޒާބަންޗެން ވިދާޅުވީ، މިއީ ނާސާގެ ތާރީޚުގައި ރަނުން ލިޔެވިގެންދާނެ ދުވަހެއް ކަމަށާއި، މި ކާމިޔާބީއަކީ ހަމައެކަނި ނާސާއަށް ލިބުނު ކާމިޔާބީއެއްގެ ބަދަލުގައި، މިއީ ޖައްވީ ހޯދުންތައް ހޯދާ ފަރާތްތަކަށް ލިބިގެންދިޔަ ބޮޑު ކާމިޔާބީއެއް ކަމަށެވެ.
ނާސާއިން ނެރުނު ބަޔާނެއްގައި ބުނީ އިރުގެ އެޓްމޮސްފެއަރއަށް އެ އިދާރާގެ ޖައްވީ އުޅަނދު ކުރި ދަތުރުގެ ޕްރޮޖެކްޓް އެއްކޮށް އަދިވެސް ނިންމާލެވިފައިނުވާ ކަމަށާއި، މި ޕްރޮޖެކްޓް ނިމުމަކަށް އަންނާނީ މި ދަތުރުގައި ސައިންސްވެރިންނަށް ފާހަގަވި ކަންކަން ތަހުގީގުކޮށް، އެއިން އައު ހޯދުންތަކެއް ހޯދުމުން ކަމަށެވެ. އަދި މިހާރުވެސް އިރުގެ އެޓްމޮސްފެއަރގެ ބައެއް ހަގީގަތްތައް ހޯދިފައިވާ ކަމަށާއި، އެގޮތުން ސޯލާ ވައިގެ ތެރޭގައި އުފެދޭ "ޒިގްޒެގް" ސްޓްރަކްޗަރތައް އިރާ ގާތުން ދަތުރުކުރާކަން ހާމަވެފައިވާ ކަމަށް ބުނެއެވެ.
ނާސާއިން ނެރުނު ބަޔާނެއްގައި ބުނީ އިރުގެ އެޓްމޮސްފެއަރއަށް އެ އިދާރާގެ ޖައްވީ އުޅަނދު ކުރި ދަތުރުގެ ޕްރޮޖެކްޓް އެއްކޮށް އަދިވެސް ނިންމާލެވިފައިނުވާ ކަމަށާއި، މި ޕްރޮޖެކްޓް ނިމުމަކަށް އަންނާނީ މި ދަތުރުގައި ސައިންސްވެރިންނަށް ފާހަގަވިކަންކަން ތަހުގީގުކޮށް އެއިން އައު ހޯދުންތަކެއް ހޯދުމުން ކަމަށެވެ. އަދި މިހާތަނަށްވެސް އިރުގެ އެޓްމޮސްފެއަރގެ ބައެއް ހަގީގަތްތައް ހޯދިފައިވާ ކަމަށާއި، އެގޮތުން ސޯލާ ވައިގެ ތެރޭގައި އުފެދޭ "ޒިގްޒެގް" ސްޓްރަކްޗަރތައް އިރާއި ގާތުން ދަތުރުކުރާކަން ހާމަވެފައިވާ ކަމަށް ބުނެއެވެ.
