ދުވާފަރު މަގު ހެދުމުގެ މަޝްރޫޢުގެ ދަށުން، އޭބީސީ އެޅުމަށް ބޭނުންވާ ތަކެތި ޕްރޮޖެކްޓް ސައިޓަށް ގެންގޮސްފި
13 ޑިސެމްބަރު 2021 | ހޯމަ 11:30މިއީ 37.8 މިލިއަން ރުފިޔާގެ މަޝްރޫޢެއް
ރ. ދުވާފަރު މަގު ހެދުމަށް ބޭނުންވާ ތަކެތި ޕްރޮޖެކްޓް ސައިޓަށް ގެންދިއުން
ރ. ދުވާފަރު މަގުހެދުމުގެ މަޝްރޫޢުގެ ދެވަނަ ފިޔަވަހީގެ ދަށުން، އޭބީސީ އަޅަން ބޭނުންވާ ތަކެތި ޕްރޮޖެކްޓް ސައިޓަށް ގެންދެވިފައިވާކަމަށް މި މަސައްކަތް ކުރާ ކުންފުނި، މޯލްޑިވްސް ޓްރާންސްޕޯރޓް އެންޑް ކޮންސްޓްރަކްޝަން ކޮމްޕެނީ (އެމް.ޓީ.ސީ.ސީ)އިން ހާމަކޮށްފިއެވެ. .
އެމް.ޓީ.ސީ.ސީއިން ހާމަކޮށްފައިވާ ގޮތުގައި، މި މަޝްރޫޢުގެ ދަށުން، 17790 އަކަމީޓަރުގެ ދުއްވާ ސަރަޙައްދެއް ޤާއިމުކުރުމާއި، 4960 އަކަމީޓަރުގެ ހިނގާ ސަރަޙައްދެއް ޤާއިމުކުރުން ހިމެނެއެވެ. އަދި ފެންހިންދާ ނިޒާމެއް ޤާއިމުކުރުމާއި، މަގުބައްތި ހަރުކުރުމުގެ މަސައްކަތްވެސް ހިމެނެއެވެ. އެގޮތުން މިހާރު ވަނީ ފެންހިންދާ ނިޒާމުގެ 57 ޕަސެންޓް ނިމިފައިކަމަށް ވެސް އެމް.ޓީ.ސީ.ސީ ވަނީ ހާމަކޮށްފައެވެ.
މި މަޝްރޫޢަކީ 37.8 މިލިއަން ރުފިޔާގެ މަޝްރޫޢެކެވެ.
