ކުޅުދުއްފުށީ ބަހާދަރު ބޯޓު ނައިފަރު ތޮށިގަނޑުގައި ޖެހި ގެއްލުންވެއްޖެ
10 ޑިސެމްބަރު 2021 | ހުކުރު 07:52ބަހާދަރު ބޯޓު މިވަގުތު އޮތީ މާލޭގައި
ކުޅުދުއްފުށީ ބަހާދަރު ބޯޓަށް ގެއްލުންވެފައި
ކުޅުދުއްފުއްޓާއި މާލެއާއި ދެމެދު ދަތުރު ކުރާ ކުޅުދުއްފުށީ މިތުރު ކޮމްޕެނީގެ ބަހާދަރު ބޯޓް ޅ.ނައިފަރު ބަނދަރަށް ކައިރިކުރަނިކޮށް ގިޔަރަށް މައްސަލައެއް ދިމާވެ، ކޮންޓްރޯލް ނުކުރެވިގެން ގޮސް ތޮށިގަނޑުގައި ޖެހި ގެއްލުންވެއްޖެއެވެ.
ބުރާސްފަތި ދުވަހުގެ ރޭ ހިނގި މި ހާދިސާގައި ބޯޓްގެ ކުރީކޮޅު އެއްގަމު ތޮށިގަނޑުގައި ޖެހުމުގެ ސަބަބުން މައްޔާ ބިނދި ބޯޓުގެ ކުރީކޮޅަށް ވަނީ ވަރަށް ބޮޑު ގެއްލުމެއް ލިބިފައެވެ. މި ހާދިސާގައި ބަހާދަރު ބޯޓުގައި ތިބި މީހުންގެ ތެރެއިން އެއްވެސް މީހަކަށް އަނިޔާ ނުވާކަމަށް އެނގިފައިވެއެވެ.
ބަހާދަރު ބޯޓުގެ ވެރިފަރާތުން މައުލޫމާތުދިން ގޮތުން ބޯޓު މި ވަގުތު އޮތީ މާލޭގައެވެ. ހުކުރުދުވަހު މެންދުރުފަހު ކުޅުދުއްފުއްޓަށް ފުރާނެއެވެ. ނަމަވެސް އެއްވެސް މުދަލެއް މި ދަތުރުގައި ބޯޓަށް ނާރުވާނެ ކަމަށް މައުލޫމާތު ދެއެވެ.
