ތާޖުއްދީން ސްކޫލުން ވަގަށް ނެގި ޓެބްލެޓުތައް ހޯދައިފި
ވައްކަން ކޮށްފައިވަނީ އެ ސްކޫލުގެ ސްޓާފް ރޫމުން
ތަަޖުއްދީން ސްކޫލް
ތާޖުއްދީން ސްކޫލް ސްޓާފް ރޫމުން ވަގަށް ނެގި ތަކެތި ހޯދާފައިވާކަމަށް ފުލުހުން ބުނެފިއެވެ.
ފުލުހުން ބުނީ ތާޖުއްދީން ސްކޫލްގެ ސްޓާފް ރޫމަށް ބަޔަކު ވަދެ ވައްކަން ކޮށްފައިވާކަމަށް ހޯމަ ދުވަހުގެ ހެނދުނު ރިޕޯޓުކޮށްފައިވާކަމަށެވެ.
އެމީހުން ވަދެ ވަގަށް ނަގާފައިވާ ތަކެތީގެ ތެރޭގައި 7 ޓެބްލެޓާއި، އަތް ދަބަހެއް ހިމެނޭ ކަމަށް ފުލުހުން ބުނެފައިވެއެވެ. މި ތަކެތި މިހާރު ހޯދާފައިވާކަމަށް ފުލުހުން ބުނެފައިވެއެވެ. ސީސީޓީވީ ކެމެރާ ފޫޓެޖުގެ އެހީގައި އެތަކެތި ހޯދަމުންދަނިކޮށް، އެތަކެތި ފެނިފައިވަނީ މާލޭގެ ގެއެއްގައި ފޮރުވާފައި ހުއްޓައި ކަމަށް ފުލުހުން ބުނެފައިވެއެވެ.
މި މައްސަލައާއި ގުޅިގެން މިހާތަނަށް އެއްވެސް މީހަކު ހައްޔަރުކޮށްފައިނުވާކަމަށް ފުލުހުން ބުނެފައިވެއެވެ. ފުލުހުން ގެންދަނީ މި މައްސަލަ އިތުރަށް ތަހުގީގުކުރަމުންނެވެ.
