ގިރިފުށީ ބަނދަރު ތަރައްގީ ކުރުމަށް ޕްރޮޖެކްޓް ސައިޓް މޮބިލައިޒްކޮށްފި
6 ޑިސެމްބަރު 2021 | ހޯމަ 08:06މިއީ 18.3 މިލިއަން ރުފިޔާގެ މަޝްރޫއެއް
ގިރިފުށީ ބަނދަރު ތަރައްގީ ކުރުމުގެ ޕްރޮޖެކްޓް
ކ. ގިރިފުށީ ބަނދަރު ތަރައްގީ ކުރުމުގެ މަޝްރޫއުގެ ދަށުން، އަމަލީ މަސައްކަތް ފެށުމަށްޓަކައި ޕްރޮޖެކްޓް ސައިޓް މޮބިލައިޒްކޮށްފިއެވެ.
މި މަޝްރޫއުގައި، 268 މީޓަރުގެ ސަރަހައްދެއްގައި ބޭރުތޮށި ލުމާއި، 46 މީޓަރުގެ ސަރަހައްދެއްގައި ބޭރުތޮށި ލުމުގެ މަސައްކަތް ހިމެނެއެވެ.
މޯލްޑިވްސް ނޭޝަނަލް ޑިފެންސް ފޯހުން އެމްޓީސީސީ އާއި ހަވާލުކޮށްގެން ކުރިއަށްގެންދާ މި މަޝްރޫއަކީ 18.3 މިލިއަން ރުފިޔާގެ މަޝްރޫއެކެވެ.
އެމްޓީސީސީގެ ސީއީއޯ އާދަމް އާޒިމް ވިދާޅުވީ މީގެ ކުރިން އެމްޓީސީސީން އަހަރެއްގެ މައްޗަށް ކުރަމުން އަންނަ މަސައްކަތަށްވުރެ ދެގުނަ އިތުރު މަސައްކަތް މިއަހަރުގެ ތެރޭގައި ކޮށްފައިވާނެ ކަމަށެވެ. މި މަސައްކަތް ކުރުމުގައި އެކަށީގެންވާ ވަރަށް ދިވެހި މުވައްޒަފުން ނުލިބުމަކީ މިހާރު އެކުންފުންޏަށް ދިމާވެފައިވާ އެންމެ ބޮޑު ދަތި ކަމުގައި އާޒިމް ފާހަގަކުރެއްވިއެވެ.
