ރާއްޖެ
ގާދިއްފުށީ ނަރުދަމާގެ މަސައްކަތް
ތ. ގާދިއްފުށީ ނަރުދަމާ ހޮޅިވަޅުލުމުގެ މަސައްކަތް ފަށައިފި
މިއީ 20.9 މިލިއަން ރުފިޔާގެ މަޝްރޫއެއް
މުހައްމަދު ޔާސިރު މޫސާ, ރާއްޖެ އެމްވީ | 30 ނޮވެމްބަރު 2021 | އަންގާރަ 11:20
ގާދިއްފުށީ ފެނާއި ނަރުދަމާގެ މަސައްކަތް ކުރިއަށް ދަނީ
ތ. ގާދިއްފުށި ފެނާއި ނަރުދަމާ މަޝްރޫޢުގެ ދަށުން، ނަރުދަމާ ހޮޅިވަޅުލުމުގެ މަސައްކަތް ފަށައިފިއެވެ.
މި މަސައްކަތް ކުރުމާ ހަވާލުވެހުރި އެމްޓީސީސީން ބުނީ މި މަސައްކަތް ފަށާފައިވަނީ 29 ނޮވެމްބަރ 2021 ވަނަ ދުވަހު ކަމަށެވެ. އަދި ނަރުދަމާގެ ނިޒާމަށް ބޭނުންވާ އާރއޯ ޕްލާންޓް އެޑްމިން އިމާރާތުގެ މަސައްކަތުގެ 57 އިންސައްތަ ނިމިފައިވާ ކަމަށް ވެސް އެމްޓީސީސީން މައުލޫމާތުދެއެވެ.
މި މަޝްރޫއުގެ ދަށުން، 4070 މީޓަރު ދިގު ނަރުދަމާ ވިއުގައެއް ގާއިމު ކުރުމާއި، ނަރުދަމާގެ ޕަމްޕް ސްޓޭޝަނުން 210 މީޓަރުގެ ހޮޅި ގުޅުމާއި، ދެ ޕަމްޕް ސްޓޭޝަން ގައިމުކުރުމުގެ މަސައްކަތް ހިމެނެއެވެ.
މި މަޝްރޫއަކީ 20.9 މިލިއަން ރުފިޔާގެ މަޝްރޫއެކެވެ.
