ފާއިތުވި 24 ގަޑިއިރު ކޮވިޑް-19ށް ޕޮޒިޓިވްވީ 76 މީހުން
މާލެ ސަރަހައްދުން ޕޮޒިޓިވްވީ 22 މީހުން
ކޮވިޑްއަށް ޓެސްޓު ކުރުމަށް ސާމްޕަލް ނެގުން
ފާއިތުވި 24 ގަޑިއިރު ރާއްޖެއިން ކޮވިޑް-19ށް 76 މީހުން ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނީ, މި 76 މީހުންގެ ތެރެއިން މާލެ ސަރަހައްދުން ޕޮޒިޓިވްވީ 22 މީހުންކަމަށެވެ. އަތޮޅުތަކުން 49 މީހުން ޕޮޒިޓިވްވިއިރު، ހިންގަމުންދާ ރިސޯޓްތަކުން 5 މީހުން ކޮވިޑަށް ޕޮޒިޓިވްވެފައިވެއެވެ. މިއާއެކު ރާއްޖެއިން ކޮވިޑް-19ށް ޕޮޒިޓިވްވީ މީހުންގެ ޖުމްލަ އަދަދު ވަނީ 91،350ށް އަރާފައެވެ. މީގެތެރެއިން 89،295 މީހުން ވަނީ ބަލިން ރަނގަޅުވެފައެވެ. އަދި އެކްޓިވް ކޭހުގެ ގޮތުގައި 1794 ކޭހެއް އަންނަނީ ގުނަމުންނެވެ. މިވަގުތު ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަނީ 12 މީހަކަށް ކަމަށް އެޗްޕީއޭން ބުނެއެވެ.
ރާއްޖެއިން މިހާތަނަށް 248 މީހަކު ވަނީ މިބަލީގައި ނިޔާވެފައެވެ.
ރާއްޖޭގައި ކޮވިޑް-19ގެ ކޭސްތައް ވަކި މިންވަރެއްގައި ހިފެހެއްޓިފައި ހުރިނަމަވެސް އަތޮޅުތެރޭގައި ކޮވިޑް-19ގެ ހާލަތު އަދިވެސް ރަނގަޅެއް ނުވެއެވެ.
