މާލޭގެ ގެއެއްގައި މީހަކު ނިޔާވެފައި އޮއްވާ ފެނިއްޖެ
ނިޔާވެފައިވަނީ އުމުރުން 83 އަހަރުގެ ފިރިހެނެއް
އާއިޝަތު ޝިއުރާ | 22 ނޮވެމްބަރު 2021 | ހޯމަ 11:57
ފުލުހުން ދަނީ މިކަމާ ގުޅިގެން ބަލަންޖެހޭ ކަންކަން ބަލަމުން
ހެންވޭރުގެ ގެއެއްގައި މީހަކު ނިޔާވެފައި އޮއްވާ ފެނިއްޖެއެވެ.
އެކަމާގުޅޭގޮތުން ފުލުހުން ބުނީ, މީހަކު ނިޔާވެފައި އޮއްވާ ފެނިފައިވާކަމުގެ މައުލޫމާތު ފުލުހުންނަށް ލިބުނީ ހޯމަ ދުވަހުގެ މެންދުރު 2:30ހާއިރު ކަމަށެވެ. ނިޔާވެފައިވަނީ އުމުރުން 83 އަހަރުގެ ފިރިހެނެއްކަމަށެވެ. އަދި އެމީހާ މިހާރު އައިޖީއެމްއެޗަށް ގެންގޮސްފައި ވާކަމަށެވެ.
މިކަމާގުޅިގެން ބަލަންޖެހޭ ކަންކަން ފުލުހުން ބަލަމުން އަންނަ ކަަމަށް ފުލުހުން ބުނެއެވެ.
