ލަވައާއި މަދަޙަ ވިދާޅުވުމުގައި މަޝްހޫރު، ހޮޅުދޫ ޢަބްދުﷲ އަވަހާރަވެއްޖެ
19 ނޮވެމްބަރު 2021 | ހުކުރު 07:14އޭނާ އަވަހާރަވީ، ގިނަ އަހަރުތަކެއް ވަންދެން އާލާސްކަންފުޅާ އޮންނެވުމަށްފަހު
ޢަބްދުﷲ ޙަސަން (ހޮޅުދޫ ޢަބްދުﷲ)
ލަވައާއި މަދަޙަ ކިޔުމުގައި ރާއްޖެއިން އެއްވަނައިގައި ގުނާލެވުނު ބޭފުޅެއް ކަމަށްވާ ޢަބްދުﷲ ޙަސަން (ހޮޅުދޫ ޢަބްދުﷲ) އަވަހާރަވެއްޖެއެވެ.
އޭނާ އަވަހާރަވެފައިވަނީ އާލާސްކަންފުޅާ އޮންނަވާތާ 15 ވަރަކަށް އަހަރު ފަހުންނެވެ.
ހޮޅުދޫ ޢަބްދުﷲ ވަނީ ތައުލީމީ ދާއިރާއިން ދިވެހި ދައުލަތަށް ގިނަ ޚިދުމަތްތަކެއް ކޮށްދެއްވާފައެވެ. އޭނާ އާންމުންގެ ތެރޭގައި އެންމެ ބޮޑަށް މަޝްހޫރުވެފައިވަނީ އޭނާ ވިދާޅުވެފައިވާފައިވާ ލަވައާއި މަދަހަތަކުގެ ސަބަބުންނެވެ.
އޭނާ އާންމުކޮށް ވިދާޅުވީ ގައުމީ ލަވަތަކެވެ. މީގެތެރޭގައި، "ގައުމަށް އައި މިނިވަން ނޫރާނީ" އަދި "ވަތަން އެދޭ ގޮތަށް" ފަދަ ލަވަތައް ފާހަގަކޮށްލެވެއެވެ. ހޮޅުދޫ ޢަބްދުﷲގެ މަދަޙަތަކުގެ ތެރެއިން، "ނެތުމުގެ ތެރެއިން މި އާލަމް" ފަދަ މަދަޙަތައް ފާހަގަކޮށްލެވެއެވެ.
