ހުޅުމާލޭ ރޯހައުސްއެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފުން ހަރަކާތްތެރިވެއްޖެ
އަލިފާން ހިފީ ރޯހައުސްއެއްގެ 3 ވަނަ ފަންގިފިލާގައި
ހުޅުމާލޭ ރޯހައުސްއެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފުން ހަރަކާތްތެރިވުން
ހުޅުމާލޭ ރޯހައުސްއެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފުން ހަރަކާތްތެރިވެއްޖެއެވެ.
މި ހާދިސާ ހިނގާފައިވަނީ ހުކުރު ދުވަހުއެވެ. އަލިފާން ހިފާފައިވަނީ ހުޅުމާލޭ ހިތިގަސްމަގު 6 ވަނަ ގޯޅީގައި ހުރި ރޯހައުސްއެއްގެ 3 ވަނަ ފަންގިފިލާގައި ކަމަށް އެމްއެންޑީއެފުން މައުލޫމާތު ދެއެވެ.
އެކަމާ ގުޅޭގޮތުން އެމްއެންޑީއެފްގެ މީޑިއާ އޮފިސަރު ވިދާޅުވީ، ހާދިސާގެ ރިޕޯޓު އެމްއެންޑީއެފަށް ލިބިފައިވަނީ ހުކުރު ދުވަހުގެ ހަވީރު 16:02 ހާއިރު ކަމަށެވެ. އަދި އެމްއެންޑީއެފްގެ ފަޔަރ އެންޑް ރެސްކިއު ޓީމުން ހަރަކާތްތެރިވެ، 16:27 ހާއިރު އަލިފާން ކޮންޓްރޯލް ކުރެވިފައިވާކަމަށް ވިދާޅުވިއެވެ.
މި ހަަދިސާގައި އެއްވެސް މީހަކަށް ޖިސްމާނީ އަނިޔާއެއް ލިބިފައިނުވާކަމަށް އެމްއެންޑީއެފުން މައުލޫމާތު ދެއެވެ.
ހުކުރު ދުވަހު ހުޅުމާލޭ ހިޔާ ފްލެޓު ސަރަޙައްދުގައި ހުރި ކުނިތަކެއްގައި އަލިފާން ރޯވެގެންވެސް އެމްއެންޑީއެފުން ހަރަކާތްތެރިވެފައިވެއެވެ. އެގޮތުން ކުޑަ ވަގުތުކޮޅެއްގެ ތެރޭގައި ވަނީ އަލިފާން ނިއްވާލާފައެވެ.
