ފޭދޫ ބަނދަރު ތަރައްޤީކުރުމަށް ބޮޑުހިލައިގެ ދެވަނަ ޝިޕްމަންޓް ސައިޓަށް ގެންގޮސްފި
މި މަޝްރޫޢަކީ 33.1 މިލިއަން ރުފިޔާގެ މަޝްރޫޢެއް
ފޭސޫ ބަނދަރު ތަރައްޤީ ކުރުން
ށ. ފޭދޫ ބަނދަރު ތަަރައްޤީކުރުމުގެ މަޝްރޫޢުގެ ދަށުން، ބޭރުތޮށި ލުމަށް ބޭނުންވާ ބޮޑުހިލައިގެ ދެވަނަ ޝިޕްމަންޓް ޕްރޮޖެކްޓް ސައިޓަށް ގެންގޮސްފިއެވެ.
މި މަޝްރޫޢުގެ ދަށުން، 27,500 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 378 މީޓަރުގެ ސަރަޙައްދެއްގައި ބޭރުތޮށި ލުމާއި، 90 މީޓަރުގެ ސަރަޙައްދެއްގައި ރިވެޓްމެންޓް ޖެހުން ހިމެނެއެވެ. އަދި 276 މީޓަރުގެ ސަރަޙައްދެއްގައި އެއްގަމުތޮށި ލުމާއި، 1,380 އަކަ މީޓަރުގެ ސަރަޙައްދެއްގައި ޕޭވްމެންޓް ހެދުމާއި، މަގުބައްތި ހަރުކުރުމާއި ނެރުބައްތި ހަރުކުރުން ވެސް މިމަޝްރޫޢުގެ ތެރޭގައި ހިމެނެއެވެ.
މި މަޝްރޫޢަކީ 33.1 މިލިއަން ރުފިޔާގެ މަޝްރޫޢެކެވެ.
މިދިޔަ ހޯމަ ދުވަހު ވެސް އެމްޓީސީސީން ވަނީ ހަތަރު ރަށެއްގައި އިތުރު ޕްރޮޖެކްޓްތަކެއް ހިންގަން ފަށާފައެވެ. އެއީ ޅ. ކުރެންދޫ އަދި ށ. މިލަންދޫގެ ގިރާ ސަރަހައްދުގައި ރިވެޓްމެންޓް ޖެހުމުގެ އިތުރުން ބ. ހިތާދޫއާއި ރ. ކިނޮޅަހުގެ ބަނދަރު ފުންކުރުމެވެ.
