މާލޭގެ މަސްޖިދުލް އިބްރާހީމް މިސްކިތަށް އަރަައި ޚަތިމަކަށް ކުޅުޖެހި މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ފުލުހުން ބުނީ މި މައްސަލައިގައި ފުލުހުންގެ ބެލުމުގެ ދަށަށް ގެންގޮސްފައިވަނީ 40 އަހަރުގެ ދިވެހި ފިރިހެނެއް ކަމަށެވެ. އޭނާ ފުލުހުންގެ ބެލުމުގެ ދަށަށް ގެންގޮސްފައިވަނީ ހޯމަ ދުވަހުގެ ހަވީރު 4:03ގައި ކަމަށް ފުލުހުން ބުނެފައިވެއެވެ.
މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.
މައުލޫމާތު ލިބޭގޮތުގައި މިމައްސަލާގައި ހައްޔަރުކުރި މީހާއަކީ ރައީސް އޮފީސް ކުރިމައްޗަށާއި އިސްލާމީ މަރުކަޒަށް ކުޑަަކަމުދިއުމުން މީގެ ކުޑަ ދުވަސްކޮޅެއް ކުރިން ހައްޔަރު ކުރި މީހާއެވެ. މިކަމާގުޅިގެން ފުލުހުން މީގެ ކުރިން ބުނެފައިވަނީ އެމީހާއަކީ ނުކުޅެދުންތެރިކަން ހުންނަ މީހެއް ކަމަށެވެ. އަދި މި މައްސަލަ އިތުރަށް ތަހުގީގުކުރުމަށްފަހު އޭނާ ވަނީ ދޫކޮށްލާފައެވެ.
