"ސްކީމް"ގެ ކާބޯތަކެތީގެ މައުރަޒު: އަމިއްލަ އުފެއްދުންތައް އިޝްތިހާރު ކުރުމަށްލިބޭ ރަނުގެ ފުރުސަތެއް

ދެކުނުގެ ހަތަރު އަތޮޅުގައި ހަރަކާތްތެރިވާ މަދަނީ ޖަމްޢިއްޔާއެއް ކަމަށްވާ, ސަދަން ކޮމިއުނިޓީ އެމްޕަވަމެންޓް އެސޯސިއޭޝަން އޮފް މޯލްޑިވްސް (ސްކީމް)ގެ އައްޑޫ ޗެޕްޓަރއިން އިންތިޒާމް ކޮށްގެން އައްޑޫސިޓީގައި މައުރަޒެއް ބާއްވަން ނިންމައިފިއެވެ. މިމަހުގެ 13ވާ ހޮނިހިރު ދުވަހު އައްޑޫސިޓީ އިރުޝާދިއްޔާ ސްކޫލްގައި އޮންނަ މި މައުރަޒުގައި އައްޑޫގެ ސަގާފީ ކެއުންތަކާއި, ގިނަ ދުވަހަށް ހަލާކުނުވެ ހުންނަ ފޮނި ކާތަކެތީގެ ބާވަތްތަކާއި, ގޭގައި ތައްޔާރުކުރާ ލުއިކާނާއާއި ހެދިކާގެ އިތުރުން ރަށުގައި ހައްދާ ތަރުކާރީއާއި މޭވާގެ ބާވަތްތައް ބައިވެރިކުރެވެއެވެ. މިމައުރަޒުގައި ބައިވެރިވާ ފަރާތްތަކުން 8 ނޮވެމްބަރ 2021ވާ ހޯމަ ދުވަހުގެ 16:00ގެ ކުރިން މިލިންކުގައިވާފޯމް ފުރިހަމަ ކުރެއްވުމުން ރަޖިސްޓަރ ކުރެއްވޭނެ އެވެ.

ހޮނިހިރު ދުވަހުގެ ހެދުނު 9 އަކުން އިރުއޮއްސި 7 އަށް ކުރިއަށް ދާ މި މައުރަޒުގައި އައްޑޫގެ ގުޅިފައިވާ 4 ރަށާއި, ވަކިން އޮންނަ ހުޅުދޫއާއި މީދޫން ބައިވެރިވާ ފަރާތްތަކަށް ފަސޭހަ ކަމާއެކު ތަކެތި ބައިވެރިކުރެވޭނެ އިންތިޒާމު ހަމަޖެހިފައިވާކަމަށް ސްކީމުން މައުލޫމާތު ދެއްވައެވެ.

މިމައުރަޒާ ގުޅޭގޮތުން ސްކީމްގެ އައްޑޫ ޗެޕްޓަރގެ ޗެއަރ ޕަރސަން ފާޠިމަތު ދިޔާނާ ވިދާޅުވީ, މިއީ އާމްދަނީ ހޯދުމަށްޓަކައި ގޭގައި ތިބެގެން ކާބޯ ތަކެތީގެ އުފެއްދުންތައް ތައްޔާރުކުރާ ފަރާތްތަކަށް އެތަކެތި އިޝްތިހާރުކޮށްދީ ގިނަ ބަޔަކަށް އެފަދަ ތަކެތީގެ މައުލޫމާތު ފޯރުކޮށްދިނުމުގެ މަގުސަދުގައި އިންތިޒާމުކުރާ ހަރަކާތެއްކަމަށެވެ.  

މިމައުރަޒުގެ ސްޓޯލެއް ދޫކުރުމަށް ހަމަޖެހިފައި ވަނީ 300 ރުފިޔާއަށެވެ.

މައުރަޒާގުޅޭ އިތުރު މަޢުލޫމާތު 7458080 / 7203487 މި ނަމްބަރު ތަކުން ލިބިވަޑައިގަންނަވާނެއެވެ.