ބަނގުރާ ކެއްކުމަށް ބޭނުންކުރާ ކަމަށް ބެލެވޭ ތަކެތި އައްޑޫއިން ހޯދައިފި
12 ޑިސެމްބަރު 2022 | ހޯމަ 12:04މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރު ކޮށްފައެއް ނުވޭ
ބަނގުރާ ކަމަށް ބެލެވޭ އެއްޗެހި އަޅާފައި ހުރި ހަންތައް
މަސްތުވާތަކެއްޗާއި ބަނގުރަލާ ދެކޮޅަށް ފުލުހުން ކުރަމުންގެންދާ މަސައްކަތްތަކުގެ ދަށުން، ބަނގުރާ ކެއްކުމަށް ބޭނުންކުރާކަމަށް ބެލެވޭ ތަކެތި އައްޑޫ ސިޓީއިން އަތުލައިގެންފިއެވެ.
ފުލުހުން ބުނެފައިވާ ގޮތުގައި އެ ތަކެތި ހޯދާފައިވަނީ އައްޑޫ ސިޓީ ހިތަދޫގައި މަސައްކަތްކުރާ ފުލުހުން ހޯމަ ދުވަހު ރަށުތެރެ ޕެޓްރޯލުކުރަމުގެ ތެރޭގައި ކަމަށެވެ. މިތަކެތި އަތުލައިގެންފައިވަނީ އެ ރަށު ފަޅުގެއެއްގެ ތެރެއިންނެވެ.
ފުލުހުން އަތުލައިގަތް ތަކެތީގެ ތެރޭގައި ބަނގުރާކަމަށް ބެލެވޭ އެއްޗެއް ހުރި 15 ހަމާއި ބަނގުރާ ކެއްކުމަށް ބޭނުންކުރާކަމަށް ބެލެވޭ ތަކެތި ހިމެނެއެވެ.
މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރު ކޮށްފައެއް ނުވެއެވެ.
ހިތަދޫ ޕޮލިސް ސްޓޭޝަނުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
