ރާއްޖެ
ފައިނު ގޮނޑުދޮށް ހިމާޔަތްކުރުން
ފައިނު ގޮނޑުދޮށް ހިމާޔަތްކުރުމުގެ 63 އިންސައްތަ މަސައްކަތް ނިމިއްޖެ
އެރަށު ގޮނޑުދޮށް ހިމާޔަތް ކުރުމަށްޓަކައި، ރިވެޓްމެންޓް ޖެހުމުގެ މަސައްކަތް ނޮވެމްބަރ އެއްވަނަ ދުވަހު ވަނީ ފަށާފައި
މުހައްމަދު ޔާސިރު މޫސާ, ރާއްޖެ އެމްވީ | 4 ނޮވެމްބަރު 2021 | ބުރާސްފަތި 08:14
ފައިނު ގޮނޑުދޮށް ހިމާޔަތްކުރުން
ރ. ފައިނު ގޮނޑުދޮށް ހިމާޔަތްކުރުމުގެ މަޝްރޫޢުގެ މަސައްކަތުގެ 63 އިންސައްތަ ނިމިއްޖެއެވެ.
އެމްޓީސީސީން ބުނީ ފައިނު ގޮނޑުދޮށް ހިމާޔަތްކުރުމަށްޓަކައި، ބަނދަރުގައި ރިވެޓްމެންޓް ޖެހުމުގެ މަސައްކަތް ނޮވެމްބަރ އެއްވަނަ ދުވަހު ފަށާފައިވާ ކަމަށެވެ.
މި މަޝްރޫއުގެ ދަށުން، 8،100 ކިއުބިކް މީޓަރުގެ ވެލި ބެކްފިލްކުރުމާއި، 250 މީޓަރުގެ ސަރަޙައްދެއްގައި ޖިއޯބޭގް ރިވެޓްމެންޓް ޖެހުމުގެ މަސައްކަތް ހިމެނޭ ކަމަށް ވެސް އެމްޓީސީސީން ބުނެއެވެ.
މިނިސްޓްރީ އޮފް ނެޝަނަލް ޕްލޭނިންގ، ހައުސިން އެންޑް އިންފްރާސްޓްރަކްޗަރއިން އެމްޓީސީސީއާ ޙަވާލުކޮށްގެން ކުރިއަށް ގެންދާ މި މަޝްރޫޢަކީ 8.96 މިލިއަން ރުފިޔާގެ މަޝްރޫޢެކެވެ.
