ފުލިދޫ ގޮނޑުދޮށް ހިމާޔަތްކުރުމަށް ރޮކް ޕްރޮފައިލިންގެ މަސައްކަތް ފަށައިފި
ފުލިދޫ ބޭރުތޮށީގެ ރޮކް ޕްރޮފައިލިންގ ގެ މަސައްކަތްތައް ފެށީ 29 އޮކްޓޯބަރ 2021 ވަނަ ދުވަހު
ފުލިދޫ ގޮނޑުދޮށް ހިމާޔަތް ކުރުން
ވ. ފުލިދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ ދަށުން، ބޭރުތޮށީގެ ރޮކް ޕްރޮފައިލިންގެ މަސައްކަތްތައް 29 އޮކްޓޯބަރ 2021 ވަނަ ދުވަހު ފަށައިފިއެވެ.
މި މަޝްރޫޢުގެ ދަށުން، 270 މީޓަރުގެ ބޭރުތޮށިލުމާއި، ގޮނޑުދޮށް ހިމާޔަތްކުރުމުގެ ގޮތުން ލެވޭ ހިލަފައިކަށިތައް ލުން ހިމެނެއެވެ. އަދި 12000 ކޮޑިމީޓަރުގެ ގިރާފައިވާ ސަރަޙައްދަށް ވެލި އެޅުމަށް ވަނީ ހަމަޖެހިފައެވެ.
މި މަޝްރޫޢަކީ 16.94 މިލިއަން ރުފިޔާގެ މަޝްރޫޢެކެވެ.
ފުލިދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ އިތުރުން ގުޅިފަޅު ބިންހިއްކުމުގެ މަޝްރޫޢުގެ މަސައްކަތް ވެސް މިދިޔަ 13 ސެޕްޓެމްބަރ 2021 ވަނަ ދުވަހު ވަނީ ނިމިފައެވެ.
މި މަޝްރޫޢުގެ ދަށުން 1.8 ހެކްޓަރުގެ ސަރަޙައްދެއްގެ ބިންހިއްކުމާއި ގޮނޑުދޮށް ހިމާޔަތް ކުރުމަށްޓަކައި 183 މީޓަރުގެ ސަރަޙައްދެއްގައި ރިވެޓްމެންޓް ޖެހުމުގެ މަސައްކަތް ހިމެނެއެވެ.
ގުޅީފަޅު ބިންހިއްކުމުގެ މަޝްރޫޢުގެ އަގަކީ 8.9 މިލިއަން ރުފިޔާއެވެ.
