ކުކުޅުދުއްފުށި ސިޓީގެ އަންހެނުންގެ ތަރައްގީއަށް މަސައްކަތްކުރާ ކޮމެޓީން ކުރިއަށް ގެންދިޔަ މޭކަޕް ކޯސް ނިންމާލައި، ބައިވެރިންނަށް ހަނދާނީ ލިޔުން ހަވާލުކޮށްފިއެވެ.

މި ކޯސް ފަށާފައިވަނީ މި އޮކްޓޯބަރ މަހުގެ 27 ވަނަ ދުވަހުއެވެ. މި ކޯހުގައި ކިޔަވާދީފައި ވަނީ ބްލަޝް ސެލޫންގެ ތަޖުރިބާކާރު ދެ ބޭފުޅުންނެވެ.

މި ކޯހަކީ 30 ބައިވެރިންނަށް ޖާގަ ދީގެން، މުޅިން ހިލޭ ކުރިއަށް ގެންދިޔަ ކޯހެކެވެ.

މި ކޯހުގައި 2 ވައްތަރެއްގެ ހެއަރ ކަޓްސްއާއި ބުމަ ތްރެޑް ކުރުމާއި ތިއަރީގެ އިތުރުން, އަމިއްލައަށް މޭކަޕް ކުރާނެ ގޮތް ދަސްކޮށްދިނެވެ.

މީގެއިތުރުން ކޮންމެދުވަހުގެ ދިރިއުޅުމުގައި ކުރާ މޭކަޕާއި ޚާއްސަ ހާލަތްތަކުގައި ބޭނުން ކުރާ މޭކަޕް އަދި ހަންގަޑާއި އެއްކުލައިގެ ފައުންޑޭޝަން ހޯދާނެގޮތް ވެސް މި ކޯހުގައި ކިޔަވައިދީފަ ވެއެވެ.

މި ކޯހަކީ ކާމިޔާބު ކަމާއެކު ނިންމާލެވުނު ކޯހެއްކަމަށް އެ ކޮމެޓީން ބުނެއެވެ.