އާރްޔަން ޚާންއާ ދެކޮޅަށް، ހެކިވެރިޔަކު ރިޝްވަތަށް އެދުނު ކަމަށް ތުހުމަތު ކޮށްފި

މެގަ ސްޓާރ ޝާހް ރުކް ޚާންގެ ދަރިފުޅާ ދެކޮޅަށް, މަސްތުވާތަކެތީގެ މައްސަލައެއްގައި ނާކޮޓިކްސް ކޮންޓްރޯލް ބިއުރޯ(އެންސީބީ)ގެ ސީނިއަރ އޮފިސަރު ސަމީރު ވަންކެޑޭއަށް ހެކިވެރިޔަކު ރިޝްވަތު ދިންކަމަށް ބުނެ ހައިރާންކުރުވަނިވި ވާހަކަތަކެއް ދައްކައިފިއެވެ.

ޕްރަބާކަރް ސާއިލް ބުނި ގޮތުގައި އޭނާއަށް އަޑު އިވުނީ އަމިއްލަ އިންވެސްޓިގޭޓަރެއް ކަމަށްވާ ކޭޕީ ގޮސާވީ އާރްޔަން ޚާން އާއެކު ނެގި ސެލްފީއެއް ވައިރަލްވި ވާހަކައާއި، ވަންކެޑޭއަށް 8 ކްރޯޑު ދައްކަންޖެހޭ ޑީލެއްގެ ވާހަތަކެވެ. އޮފިސަރު ވަނީ އެއްވެސް ކުށެއް ނުކުރާ ކަމަށް އިންކާރުކޮށް، ވަރަށް ވަރުގަދަ ޖަވާބެއް ދޭނެ ކަމަށް ބުނެފައެވެ. ޕުރަބާކަރް ސާއިލުއަކީ ކޭޕީ ގޮސާވީގެ ޕަރސަނަލް ބޮޑީގާޑެއް ކަމަށް ބުނެފައިވާއިރު އޭނާއާއި ސޭމް ޑިސޫޒާއާ ދެމެދު ޓެލެފޯން މެދުވެރިކޮށް ކުރި މުއާމަލާތެއްގައި ކާރުގައި އިން ކަމަށް ބުނެފައިވެއެވެ. އޭގެ މިނެޓުތަކެއް ފަހުން ކޭޕީ ގޮސާވީއާއި ސޭމް ޑިސޫޒާ އަދި ޝާހް ރުކް ޚާންގެ މެނޭޖަރު ޕޫޖާ ދަދްލާނީ ކާރެއްގެ ތެރޭގައި 15 މިނެޓުގެ ބައްދަލުވުމެއް ބޭއްވި ކަމަށް އޭނާ ބުނެފައިވެއެވެ. އަދި ކޭޕީ ގޯސާވީއަތުން ނަގުދު ފައިސާ ލިބުނު ކަމަށާއި އެ ފައިސާ ސޭމް ޑިސޫޒާއާ ހަވާލުކުރި ކަމަށް ވެސް އޭނާ ބުނެފައިވެއެވެ.

ހުލާސާ ބަޔާން އިއްވަމުން ޕްރަބާކަރް ސާއިލް ވަނީ ކްރޫޒް ޝިޕް ރެއިޑް ކުރި ދުވަހުގެ ތަފުސީލެއް ވެސް ދީފައެވެ. އޭނާ ބުނީ އޮކްޓޯބަރު މަހުގެ 2 ވަނަ ދުވަހު ބޯޑިން އޭރިއާ ކައިރިއަށް އޭނާ ހާޒިރުވި ކަމަށާއި، އެ ޝިޕަށް އެރި ބައެއް މީހުން ދެނެގަތުމަށް އެދުނު ކަމަށެވެ. އޭނާ ބުނި ގޮތުގައި ވަޓްސްއެޕްގައި އޭނާއަށް ފޮޓޯ ގެ ސިލްސިލާއެއް ފޮނުވީ, ދެނެގަތުމަށް އެހީވުމަށެވެ. "ރޭގަނޑު 10:30 ހާއިރު ބޯޑިން އޭރިއާގައި އަޅުގަނޑަށް ކޭޕީ ގޮސާވީ ގޮވި އިރު ޝިޕްގެ ބޯޑިން އޭރިއާގެ އެއް ކެބިންގައި އާރްޔަން ޚާން އިންތަން ފެނުނީ. އެންސީބީގެ އޮފިޝަލުންނާ އެކު ފެނުނީ އެއް އަންހެން ކުއްޖެއް. މުންމުން ދަމޭޗާ އަދި މަދު ބަޔަކު." ހުލާސާ ބަޔާން އިއްވަމުން އޭނާ ބުންޏެވެ. އާރްޔަން ޚާންއާއި ދެން ތިބި މީހުން އެންސީބީގެ އޮފީހަށް ގެންދިއުމުން އޭނާ ބުނީ ބައެއް ހުސް ކަރުދާސްތަކުގައި ސޮއިކުރުމަށް ގޮސާވީއާއި ސަމީރު ވަންކެޑޭ އޭނާގެ ކިބައިން އެދިފައި ވެއެވެ.

ޕްރަބާކަރް ސާއިލް ބުނި ގޮތުގައި އޭނާއަށް ދެ ކޮތަޅުގެ ނަގުދު ފައިސާ ދިންކަމަށާއި އެ ކޮތަޅު އޭނާ "ޓްރިޑެންޓް ހޮޓެލް" ކައިރީގައި ހުންނަ ސޭމް ޑިސޫޒާއަށް ޑެލިވަރީ ކޮށްދިން ކަމަށް ވެސް އޭނާ ވަނީ ބުނެފައެވެ. އެ އަދަދަކީ 38 މިލިއަން ރުޕީސް ކަމަށް ހުލާސާ ބަޔާން އިއްވަމުން އޭނާ ބުނެފައިވެއެވެ. 

އެ އިދާރާގެ މަސްދަރުތަކުން ވަނީ އެ ތުހުމަތުތަކަކީ އެއްވެސް އަސާސެއް ނެތް ވާހަކަތަކެއް ކަމަށް ބުނެ، ފައިސާ ގެ ބަދަލު ހިފައިފި ތޯ ސުވާލު ކޮށް، "މީހަކު ޖަލުގައި ހުންނަންވީ ކީއްވެތޯ" ސުވާލު ކޮށްފައެވެ. އެ ވާހަކަތަކަކީ "ހަމައެކަނި (އޭޖެންސީގެ) ފޮޓޯއަށް ގެއްލުން ދިނުމަށް" ކޮށްފައިވާ ތުހުމަތުތަކެއް ކަމަށް ބުނެ އޮފިޝަލުން ވަނީ, އޮކްޓޯބަރު މަހުގެ 2 ވަނަ ދުވަހުގެ ކުރިން ޕްރަބާކަރް ސާއިލްއާ ދުވަހަކު ވެސް ބައްދަލުކޮށްފައި ނުވާ ކަމަށާއި އޭނާއަކީ ކާކުކަން ނޭނގޭ ކަމަށް ބުނެފައެވެ. ޝިވް ސޭނާގެ ސީނިއާ ލީޑަރު ސަންޖޭ ރައުތު ވަނީ ހުލާސާ ބަޔާން "ކޮގްނިޓިވް" ކުރުމަށް ފުލުހުންގެ ކިބައިން އެދިފަ އެވެ. ޗީފް މިނިސްޓަރު އުދަވް ތާކަރޭ ދެއްކެވި ވާހަކަފުޅަކީ މަހާރާޝްތުރާ ސަރުކާރަށް ގެއްލުން ދިނުމުގެ ނިޔަތުގައި ދެއްކެވި ވާހަކަފުޅެއް ކަމަށާއި، އެއީ ހަގީގަތެއް ކަމަށް ބެލެވޭ ކަމަށް އޭނާ ވިދާޅުވިއެވެ.

ރައުޓް ވަނީ އެންސީބީގެ އޮފީހުގެ ތެރެއިން ފާޅުކަން ބޮޑު ގޮތެއްގައި އާ ވީޑިއޯއެއް ވެސް ޓްވީޓްކޮށް، ކޭޕީ ގޮސާވީ އާއި އަރްޔާން ޚާން އެކުގައި އިށީނދެގެން ތިބެ މަންޒަރު ފެންނަ ވީޑިއޯއެއް ވެސް ޓްވީޓްކޮށްފައިއެވެ. ގޮސާވީ ކުރި ފޯނު ކޯލެއްގައި އާރްޔަން ޚާން ވާހަކަ ދައްކާ ތަންވެސް ފެންނަކަމަށް ވަނީ ބުނެފައެވެ.

މި މައްސަލާގައި އާރްޔަން ޚާންއަށް އަދިވެސް ކަފާލާތުގެ ދަށުން މިނިވަންވެފައެއް ނުވެއެވެ. އެ އިދާރާއިން ކޯޓުގައި ބުނެފައި ވަނީ އޭނާގެ ވަޓްސްއެޕް ޗެޓްތަކުން އެނގެނީ މަސްތުވާތަކެތީގެ ވިޔަފާރި ކުރާ ބައިނަލްއަގުވާމީ ކާޓެލްއަކާ އޭނާ މުއާމަލާތް ކުރި ކަމަށެވެ.