އިހަވަންދޫ ގޮނޑުދޮށް ހިމާޔަތްކުރުމަށް ބޭނުންވާ ބޮޑުހިލައިގެ ޝިޕްމެންޓް ގެންދެވިއްޖެ: އެމް.ޓީ.ސީ.ސީ
850 މީޓަރުގެ ސަރަޙައްދެއްގައި ބޮޑު ހިލަޖެހުމަށް ނިންމާފައިވޭ.
އިހަވަންދޫ ގޮނޑުދޮށް ހިމާޔާތް ކުރުމަށް ގެންދެވުނު ބޮޑުހިލައިގެ ފުރަތަމަ ޝިޕްމަންޓް
ހއ. އިހަވަންދޫގެ ބިން ހިއްކުމާއި ގޮނޑުދޮށް ހިމާޔަތްކުރުމުގެ މަޝްރޫޢުގެ ދަށުން، ގޮނޑުދޮށް ހިމާޔަތް ކުރުމަށް ބޭނުންވާ ބޮޑުހިލައިގެ ފުރަތަމަ ޝިޕްމަންޓް ގެންދެވިފައިވާ ކަމަށް މޯލްޑިވްސް ޓްރާންސްޕޯރޓް އެންޑް ކޮންސްޓްރަކްޝަން ކޮމްޕެނީ (އެމް.ޓީ.ސީ.ސީ) އިން ހާމަކޮށްފިއެވެ. އެމް.ޓީ.ސީ.ސީ އިން ހާމަ ކުރި ގޮތުގައި ބޮޑު ހިލައިގެ ޝިޕްމަންޓް، ޕުރޮޖެކްޓް ސައިޓަށް ގެންދެވިފައިވަނީ 17 އޮކްޓޫބަރ 2021 ވަނަ ދުވަހުއެވެ.
މި މަޝްރޫޢުގެ ދަށުން 25 ހެކްޓަރުގެ ބިން ހިއްކުމާއި 850 މީޓަރުގެ ސަރަހައްދެއްގައި ބޮޑުހިލައިގެ ރިވެޓްމަންޓް ޖެހުން ހިމެނޭ ކަމަށް އެމް.ޓީ.ސީ.ސީއިން ހާމަކުރެއެވެ.
މިނިސްޓްރީ އޮފް ނޭޝަނަލް ޕްލޭނިންގ، ހައުސިންގް އެންޑް އިންފްރާސްޓްރަކްޗަރގެ ފަރާތުން 123.96 މިލިޔަން ރުފިޔާގެ މި މަޝްރޫޢު އެމް.ޓީ.ސީ.ސީއާ ހަވާލުކޮށްފައިވަނީ 10 ނޮވެމްބަރ 2020 ވަނަ ދުވަހުއެވެ. މި މަސައްކަތް ނިންމުމަށް ދީފައިވަނީ އެއް އަހަރު ދުވަހުގެ މުއްދަތެކެވެ.
