ކ. ގުރައިދޫ ޕިކްނިކް އައިލެންޑްގެ މަސައްކަތް ނިމިއްޖެ
މި މަޝްރޫޢަކީ 13.4 މިލިއަން ރުފިޔާގެ މަޝްރޫޢެއް
ކ. ގުރައިދޫ ޕިކްނިކް އައިލެންޑް
ކ. ގުރައިދޫ ޕިކްނިކް އައިލެންޑްގެ ބިން ހިއްކުމާއި, ހިއްކި ސަރަޙައްދު ހިމާޔަތް ކުރުމުގެ މަޝްރޫޢުގެ މަސައްކަތް ނިމިއްޖެއެވެ.
މި މަސައްކަތް ކުރުމަށް ހަވާލުކޮށްފައި ވަނީ އެމްޓީސީސީއާއެވެ. އެމްޓީސީސީން ބުނީ މަސައްކަތް ނިމިފައިވަނީ ސެޕްޓެމްބަރ 11 ވަނަ ދުވަހުކަމަށެވެ.
މި މަޝްރޫޢުގެ ދަށުން، 1.7 ހެކްޓަރުގެ ބިންހިއްކުމާއި، 278 މީޓަރުގެ ސަރަޙައްދެއްގައި ބޮޑުހިލައިން ރިވެޓްމެންޓް ޖެހުމާއި، 160 މީޓަރުގެ ސަރަޙައްދެއްގައި ބޮޑުހިލައިގެ ގްރޮއިން ޖެހުމުގެ މަސައްކަތް ހިމެނެއެވެ. މި މަޝްރޫޢަކީ 13.4 މިލިއަން ރުފިޔާގެ މަޝްރޫޢެއެކެވެ.
ލޯކަލް ޓޫރިޒަމް ފުޅާދާއިރާއެއްގައި ކުރަމުން ލިބޭ ވަރަށް ރަނގަޅު ފުރުސަތެއްކަމަށް އެރަށު ވިޔަފާރިވެރިން ބުނެފައިވެއެވެ. މީ އެރަށު ރައްޔިތުންގެ އެދުމުގެ މަތިން އެރަށް ކައިރީގައި ތަރައްގީ ކުރި ޕިކްނިކް އައިލެންޑެކެވެ.
ގުރައިދޫގެ ބިން ހިއްކުމުގެ ކުރިން އެމްޓީސީސީން ވަނީ މާފުށީގެ ބިން ވެސް ހިއްކައިފައެވެ.
