އެމްޕީ ރޮޒައިނާ ދިރިއުޅުއްވާ ގޭގައި އަލިފާނުގެ ހާދިސާއެއް ހިނގައިފި
އަލިފާން ރޯވީ އިމާރާތުގެ 3 ވަނަ ފަންގިފިލާގައި
ޑޮނާޑް ގާރމެޓް ހުންނަ އިމާރާތް
ޑޮނާޑް ގާރމެންޓް ހުންނަ އިމާރާތުގައި އަލިފާނުގެ ހާދިސާއެއް ހިނގައިފިއެވެ.
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނީ ޑޮނާޑް ގާރމެންޓް ހުންނަ އިމާރާތުގެ 3 ވަނަ ފަންގިފިލާގައި އަލިފާނުގެ ހާދިސާއެއް ހިނގައިގެން ބުދަ ދުވަހުގެ ހަވީރު 16:49 ގައި އެކަމުގެ ރިޕޯޓު ލިބިފައިވާކަމަށެވެ.
ހާދިސާގެ ރިޕޯޓު ލިބުމާއެކު ފަޔަރ އެންޑް ރެސްކިޔު ސަރވިސްގެ ސިފައިން އެ ސަރަހައްދުގައި ހަރަކާތްތެރިވާން ފެށި ކަމަށް އެމްއެންޑީއެފުން ބުނެފައިވެއެވެ.
އަލިފާންގަނޑު ކޮންޓްރޯލް ކުރެވިފައިވަނީ ހަވީރު 17:09 ގައި ކަމަށް އެމްއެންޑީއެފުން ބުނެފައިވެއެވެ. މި ހާދިސާގައި އެއްވެސް މީހަކަށް ޖިސްމާނީ އަނިޔާއެއް ވެފައި ނުވާކަމަށް އެމްއެންޑީއެފުން ބުނެފައިވެއެވެ.
މައުލޫމާތު ލިބޭގޮތުން އަލިފާން ރޯވި ފަންގިފިލާއަކީ ޑޮނާޑް ގާރމެންޓްގެ ގުދަނެއްގެ ގޮތުގައި ބޭނުންކުރާ ތަނެކެވެ. މި ހާދިސާ ހިނގަން މެދުވެރިވި ސަބަބު އެމްއެންޑީއެފުން އަދި ހާމަކޮށްފައެއް ނުވެއެވެ.
އަލިފާނުގެ ހާދިސާ ހިނގާފައިވާ ގެޔަކީ އައްޑޫ މީދޫ ދާއިރާގެ މަޖިލިސް މެމްބަރު ރޮޒައިނާ އާދަމް ދިރިއުޅުއްވާ ގެއެވެ.
