ގެއްލިގެން ހޯދަމުންދާ ކުޑަ ކުއްޖާގެ މަންމަ ނިޔާވެއްޖެ
ނިޔާވެފައިވަނީ ކ. މާލެ ގްރީންޕީކް، 33 އަހަރުގެ މަރިޔަމް ނާހިދާ
ލޯންޗް އަޑިއަށްދިޔަ ހާދިސާގައި ނިޔާވި ނާހިދާ
މޫދަށް ވެއްޓި ގެއްލިގެން ހޯދަމުންދާ ކުޑަ ކުއްޖާގެ މަންމަ ނިޔާވެއްޖެއެވެ.
ނިޔާވެފައިވަނީ ކ. މާލެ ގްރީންޕީކް، 33 އަހަރުގެ މަރިޔަމް ނާހިދާއެވެ.
ރާއްޖެއެމްވީއަށް ކ. ގުރައިދޫ ހެލްތު ސެންޓަރުން ބުނީ, އަންހެން މީހާ އެ ސެންޓަރަށް ގެނެސްފައިވަނީ ހޮނިހިރު ދުވަހުގެ އިރުއޮއްސި 6:35 ހާއިރު ކަމަށާއި، ގެނައި އިރުވެސް ނިޔާވެފައިވާ ކަމަށެވެ. އަދި އިތުރު ފިރިހެނެއް ވެސް ހެލްތް ސެންޓަރަށް ގެނެސްފައިވެއެވެ. އޭނާގެ ބޯފަޅައިގެން ގޮސްފައިވެއެވެ.
ފުލުހުން ބުނީ މާލެއިން ވ. އަތޮޅަށް ދަތުރުކުރި ލޯންޗެއް އޮޅުވެލި ކައިރިން ދިޔަވެ އަޑިއަށް ދާކަމުގެ މައުލޫމާތު ހޮނިހިރު ދުވަހުގެ 5:06 ހާއިރު ލިބިފައިވާ ކަމަށެވެ. މި ހާދިސާގައި އެލޯންޗުން ވެއްޓުނު ތިން މީހުންގެ ތެރެއިން ދެމީހުން ފެނިފައިވާ ކަމަށެވެ. އަދި ހަތަރު އަހަރުގެ ކުއްޖަކު އަދިވެސް ނުފެންނަ ކަމަށް ފުލުހުން ބުނެއެވެ.
ލޯންޗު މިހާރު ވަނީ ގުރައިދޫ ފަޅަށް ވައްދާފައެވެ. އެސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.
